तीन तिघाड काम बिघड! या प्रचलित समजुतीमागे नेमकं कारण काय? धर्मशास्त्र काय सांगतात?
भारतीय संस्कृतीत अनेक रूढी-परंपरा आणि समजुती आजही पाळल्या जातात. त्यापैकी काही संख्यांशी संबंधित आहेत. उदाहरणार्थ, तीन लोकांनी एकत्र शुभकार्यांना जाऊ नये. 'तीन तिघाड काम बिघड' असं आपण अनेकदा वडीलधाऱ्यांकडून ऐकलं असेल. यामागे काय कारण आहे? पंडित अनिल शर्मा याबद्दल काय सांगतात, ते जाणून घेऊया...
पिढीजात चालत आलेली परंपरा
कोणत्याही शुभ कार्यासाठी तीन लोकांनी एकत्र घराबाहेर पडू नये, अशी समजूत पिढ्यानपिढ्या चालत आलेली आहे. हे केवळ तीन लोकांसाठीच नाही, तर हिंदू धर्मात अनेक बाबतीत तीन ही संख्या अशुभ मानली जाते. उदाहरणार्थ, जेवणाच्या ताटात तीन पोळ्या वाढू नयेत आणि पूजेमध्ये तीन लोकांनी एकत्र बसणे देखील निषिद्ध मानले जाते.धार्मिक ग्रंथांमध्ये उल्लेख नाही, पण...
कोणत्याही धार्मिक ग्रंथात तीन लोकांनी एकत्र जाणे अशुभ आहे, असा थेट उल्लेख नाही. पण त्यामागे काही प्रतीकात्मक आणि व्यावहारिक कारणं दिली जातात. असं मानलं जातं की जेव्हा तीन लोक एकत्र असतात, तेव्हा संभाषण आणि लक्ष विचलित होण्याची शक्यता वाढते. शुभ कार्यांमध्ये एकाग्रता आणि सकारात्मक विचार आवश्यक असतात, जे तीन लोक एकत्र असल्यावर बाधित होऊ शकतात.
मतभेदांची शक्यता
तीन लोकांमध्ये मतभेद आणि विचारांमध्ये भिन्नता असण्याची शक्यता जास्त असते. कोणतेही शुभ कार्य सुरू करण्यापूर्वी, मनाची एकाग्रता आणि एकमत असणे महत्त्वाचे असते, जे तीन लोकांच्या गटात कठीण होऊ शकते. हिंदू धर्मात त्रिमूर्तीला (ब्रह्मा, विष्णू, महेश) विशेष महत्त्व आहे. काही लोकांचा असा विश्वास आहे, की तीन लोक एकत्र गेल्याने ते त्रिमूर्तीचे प्रतीक बनते, जे सामान्य माणसांसाठी अशुभ असू शकते.व्यावहारिक दृष्टिकोन
याशिवाय, या समजुतीमागे काही व्यावहारिक कारणंही असू शकतात. पूर्वीच्या काळी प्रवासाची साधनं मर्यादित होती आणि तीन लोकांनी एकत्र प्रवास केल्यास साधनांवर अधिक भार पडू शकला असता. याशिवाय, जर तीन लोकांपैकी एकजण आजारी पडला किंवा त्याला कोणतीही अडचण आली, तर संपूर्ण काम थांबू शकतं.
अंधश्रद्धा नाही, पण...
जरी ही समजूत पूर्णपणे अंधश्रद्धा नसली, तरी तिच्यामागे काही प्रतीकात्मक आणि व्यावहारिक कारणं आहेत. आजच्या आधुनिक युगात या गोष्टींना फारसे महत्त्व नाही, तरीही काही लोक आपल्या परंपरा आणि समजुतींचे पालन करतात. या गोष्टींना किती महत्त्व द्यायचे, हे प्रत्येकाच्या स्वतःच्या श्रद्धा आणि विश्वासावर अवलंबून असते.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
