अवघ्या 20 वर्षांचा पोरगा, काही तासातच मिळवले कोट्यवधी रुपये, पद्धत ऐकून पोलीसही आवाक..
अजमेर : राजस्थानच्या चुरूच्या सायबर स्टेशन पोलिसांना एका मोठ्या कारवाईत आंतरराज्य सायबर फसवणूक करणाऱ्या टोळीतील एका लबाड गुन्हेगाराला अटक करण्यात यश आलं आहे. अवघ्या 20 वर्षांच्या या आरोपीने आठ राज्यांमध्ये कोट्यवधी रुपयांची सायबर फसवणूक केली आहे.
29 जानेवारी 2025 रोजी सुजानगढ येथील डॉ. रविकांत सोनी यांनी सायबर पोलिस ठाण्यात 50 हजार रुपयांच्या ऑनलाइन फसवणुकीचा गुन्हा दाखल केला होता. त्यानंतर सायबर पोलिसांनी तत्काळ कारवाई करत हरियाणा येथील गावड येथील युवराज उर्फ आशिष बेनिवाल याला अटक केली. सायबर पोलिसांनी आरोपीला अटक करून आंतरराज्यीय सायबर फसवणूक करणाऱ्या टोळीचा पर्दाफाश केला आहे.
पोलिस अधीक्षक जय यादव यांनी सांगितलं की, सुजानगड येथील डॉ.रविकांत सोनी यांच्या मोबाईल क्रमांकावर मेसेज आला होता. SBI रिवॉर्ड पॉइंटबद्दल. या मेसेजमध्ये एक लिंक होती. ती ओपन केल्यावर सोनीच्या मोबाईलमध्ये एक ॲप डाउनलोड झालं. ते ॲप SBI च्या YONO ऑनलाइन साइटसारखंच होतं. सोनीने इंटरनेट बँकिंगप्रमाणे त्यात यूजर आयडी आणि पासवर्ड टाकला. केवायसी पडताळणी होताच खात्यातून 50 हजार रुपये काढण्यात आले.गुन्हा दाखल झाल्यानंतर सायबर पोलिसांचं पथक तयार करण्यात आलं. पुराव्याच्या आधारे आरोपी युवराज उर्फ आशिष बेनिवाल याला अटक करण्यात आली. अटक करण्यात आलेल्या आरोपींकडून एक मोबाईल फोन, विविध बँकांचे 24 एटीएम, 13 बँक पासबुक आणि आठ चेकबुक जप्त करण्यात आली आहेत. ॲक्शन टीममध्ये हेड कॉन्स्टेबल सज्जन सिंग आणि रमाकांत यांची विशेष भूमिका होती. या टोळीचे लोक बँकेच्या वेबसाइटचे क्लोन तयार करून सायबर फसवणूक करतात. आरोपींनी आतापर्यंत किती कोटींची फसवणूक केली आहे, याची कसून चौकशी केली जात आहे. या टोळीतील इतर गुंडांचीही ओळख पटली आहे. आता या टोळीवर इतर राज्यांच्या पोलिसांसह संयुक्त कारवाई करण्यात येणार आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
