'शिवाजी महाराज लाच देऊन सुटले.'; मराठी अभिनेत्याचं वादग्रस्त वक्तव्य
बॉलिवूड अभिनेता विकी कौशल
आणि अभिनेत्री रश्मिका मंदाना यांची प्रमुख भूमिका असलेला 'छावा' हा चित्रपट सध्या वादाच्या भोवऱ्यात सापडला आहे.
चित्रपटाच्या ट्रेलरमध्ये दाखवण्यात आलेल्या काही दृश्यांवर शिवप्रेमींनी आक्षेप घेतल्याने हा वाद सुरू आहे.
छत्रपती संभाजी राजेंवरील चित्रपटावरून टीका सुरू असतानाच मराठी अभिनेते राहुल सोलापूरकर यांनी छत्रपती शिवाजी महाराजांबद्दल वादग्रस्त विधान केले आहे. अभिनेते किरण माने यांनी हा व्हिडिओ शेअर करत राहुल सोलापूरकर यांच्यावर सडकून टीका केली आहे.
मराठी मनोरंजन विश्वातील हरहुन्नरी, प्रतिभावान अभिनेते अशी किरण माने यांची ओळख आहे. आपल्या अभिनयाइतकेच किरण माने हे सोशल मीडियावर प्रचंड सक्रिय असतात. राजकारण,समाजकारण तसेच मराठी चित्रपट जगतातील घडामोडींवर ते परखडपणे मत व्यक्त करतात. सध्या किरण माने यांची एक पोस्ट चांगलीच चर्चेत आली असून त्यामध्ये अभिनेते राहुल सोलापूरकर हे छत्रपती शिवाजी महाराजांबद्दल वादग्रस्त विधान करताना दिसत आहेत.
किरण मानेंनी शेअर केलेल्या व्हिडिओमध्ये राहुल सोलापूरकर काय म्हणाले हे स्पष्ट होत नसले तरी, त्यांच्या विधानामुळे नव्या वादाला तोंड फुटण्याची शक्यता आहे. किरण मानेंनी या विधानाचा निषेध करत सोलापूरकर यांच्यावर टीका केली आहे.
या प्रकरणावर राहुल सोलापूरकर यांच्याकडून अद्याप कोणतीही प्रतिक्रिया आलेली नाही. 'छावा' चित्रपटावरून सुरू असलेला वाद आणि आता राहुल सोलापूरकरांच्या विधानामुळे निर्माण झालेला नवा वाद, यामुळे मराठी चित्रपटसृष्टी पुन्हा एकदा चर्चेत आली आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
