या पोराने दुकानदारांना केलं कंगाल, ऑनलाईन फसवणुकीची नवी ट्रीक, लाखोंची कमाई, पण...
आजकाल लोक QR कोड स्कॅन करून ऑनलाईन पेमेंट करतात. मात्र, कधी कधी पेमेंट फेल होते किंवा पैसे चुकीच्या खात्यात जातात. त्यामुळे दुकानदारांना मोठा आर्थिक तोटा होतो. अशाच प्रकारचा एक व्हिडीओ सोशल मीडियावर व्हायरल होत आहे, ज्यात QR कोडच्या माध्यमातून फसवणूक दाखवली आहे. हा व्हिडीओ इंस्टाग्रामवर आर्यन परवार यांनी शेअर केला आहे. व्हिडीओमध्ये आर्यन अनेक QR कोड्सची प्रिंट काढतो, त्यांना कापतो आणि ते दुकानांवरांच्या QR कोड्स बोर्ड्सवर चिटकवतो. तो एका कपड्याच्या दुकानात जातो आणि दुकानदाराचे लक्ष नसताना स्वतःचा QR कोड चिटकवतो. त्यानंतर तो स्कूटर शोरूम आणि मोबाईल हेडफोन खरेदी करताना हीच युक्ती वापरतो.
आर्यन घरी परतल्यावर त्याच्या मोबाइलवर 2 हजार ते 1 लाख रुपयांचे मेसेज येऊ लागतात. असे वाटते की, काही तासांतच त्याने लाखोंची कमाई केली. जर असे प्रत्यक्षात घडले असते, तर संबंधित दुकानदार कंगाल झाले असते. पण हा व्हिडीओ खऱ्या फसवणुकीचा दाखला नसून, तो फक्त मनोरंजनासाठी तयार केलेला वाटतो. कारण, मोठ्या रकमेचे पेमेंट करताना लोक सहसा खातेदाराचे नाव तपासतात. जर असे घडले असते, तर लगेच हा प्रकार उघडकीस आला असता.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
