कुंभ मेळ्यातील साधू-संतांना मोठा इशारा; मौलाना म्हणाले, कोणत्याही हिंदूने...
बरेली: उत्तर प्रदेशमधील प्रयागराज येथील कुंभ मेळ्यात साधू-संतांनी लावलेल्या होर्डिंगचा मौलाना शहाबुद्दीन रजवी यांनी कडाडून विरोध केला आहे. मौलानांनी म्हटले आहे की कुंभ मेळा हा धार्मिक दृष्टिकोनातून पवित्र मेळा आहे आणि येथे राजकारण करणे या मेळ्याच्या पवित्रतेच्या विरोधात आहे.
त्यांनी मेळ्यात सहभागी होणाऱ्या आखाडा परिषदांसह राज्य सरकारला अशा प्रकारच्या कृतींवर बंदी घालण्याची मागणी केली आहे. तसेच मौलानांनी असे म्हटले आहे की, वक्फ बोर्डामध्ये जी जमीन आहे ती सर्व मुसलमानांनी दिलेली आहे. कोणत्याही हिंदूने जमीन दिलेली नाही.प्रयागराज कुंभ मेळ्यात जगद्गुरू रामानंदाचार्य यांनी काही होर्डिंग्ज लावले आहेत. या होर्डिंग्जवर "वक्फच्या नावावर संपत्तीची लूट आहे. धर्मनिरपेक्ष देशात ही कसली सूट दिली जात आहे?" याआधीही जगद्गुरू रामानंदाचार्य यांनी एक होर्डिंग लावले होते. ज्यावर लिहिले होते की- घाबराल तर माराल. या होर्डिंगची संपूर्ण देशात चर्चा झाली होती.
बरेलीच्या मौलाना शहाबुद्दीन रजवी यांनी विरोध करताना म्हटले आहे की कुंभ मेळा हिंदू धर्माचा अतिशय पवित्र मेळा आणि स्थान आहे. सर्व साधू-संत आणि आखाडा परिषदा यांची जबाबदारी आहे की कुंभ मेळ्याला हिंदू-मुस्लिम वादाचे ठिकाण बनवू नये. मात्र, अनेक साधू-संतांनी कुंभ मेळ्याला असे अखाडे बनवले आहे की जणू या मेळ्यात सर्व समस्या सोडवल्या जातील.
वक्फ बोर्डाची स्थापना गरीब आणि लाचार विधवांना मदत करण्यासाठी केली गेली होती. वक्फ बोर्डामध्ये जी जमीन आहे ती सर्व मुसलमानांनी दिलेली आहे, आणि कोणत्याही हिंदूने ती दिलेली नाही. सरकारने या बोर्डाचे नियंत्रण केले. तसेच, सनातन बोर्डाची स्थापना होणे अत्यावश्यक आहे आणि मी त्याचे समर्थन करतो. मंदिर-मठांमध्ये असलेल्या जमिनी आणि संपत्तींच्या देखरेखीकरिता सनातन बोर्डाची स्थापना होणे गरजेचे आहे, असे मौलानांनी म्हटले आहे.मौलानांनी सांगितले की, सध्या साधू-संत हिंदू-मुस्लिम ऐक्याचे शत्रू बनले आहेत. ते देशात हिंदू-मुस्लिम या नावाखाली फूट पाडू इच्छित आहेत, पण हे कधीही होणार नाही. मी सरकारला विनंती करतो की समाजाला भडकावणाऱ्या आणि फूट पाडणाऱ्या व्यक्तींविरोधात कठोर कारवाई करावी.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
