कुटुंबियांना सरकारी गाडीत कधीच बसू दिले नाही... मुलीने सांगितले डाॅ. मनमोहन सिंग यांचे न ऐकलेले किस्से
देशात आर्थिक सुधारणांची सुरुवात करणारे माजी पंतप्रधान मनमोहन सिंग यांनी गुरुवारी रात्री या जगाचा निरोप घेतला. ते 92 वर्षांचे होते. मनमोहन सिंग यांची मुलगी दमन सिंग यांनी त्यांच्या 'स्ट्रीक्टली पर्सनल: मनमोहन अॅंड गुरशरण' या पुस्तकात दावा केला आहे की, त्यांच्या वडिलांनी कुटुंबातील कोणत्याही सदस्याला कधीही सरकारी वाहन वापरू दिले नाही.
अशा अनेक कधीही न ऐकलेल्या गोष्टी त्यांनी त्यांच्या पुस्तकात नमूद केल्या आहेत. माजी पंतप्रधानांच्या कन्या दमन सिंह यांनी सांगितले होते की, माझ्या वडिलांना ना अंडे कसे उकळायचे, ना टेलिव्हिजन चालू करायचे हे माहीत नव्हते. एवढेच नव्हे तर त्यांच्या अधिकृत सरकारी वाहनात बसण्याची संधीही आम्हाला मिळाली नाही. त्याच्या वाटेत असलेल्या ठिकाणी जावे लागले तरी तो आम्हाला सरकारी वाहनात बसू देत नसत.
दमन सिंग यांनी सांगितले होते की, दर दोन महिन्यांनी आमचे कुटुंब बाहेर जेवायला जायचे. आम्ही एकतर कमला नगरमधील कृष्णा स्वीट्समध्ये दक्षिण भारतीय पदार्थ खायचो किंवा दर्यागंजमधील तंदूर येथे मुगलाई जेवण करायचो. चायनीज फूडसाठी आम्ही मालचा रोडवरील फुजिया रेस्टॉरंटमध्ये जायचो आणि चाटसाठी बंगाली मार्केट ही आमची पसंती होती.
दमन सिंग यांनी 2014 मध्ये प्रकाशित त्यांच्या 'स्ट्रिक्टली पर्सनल: मनमोहन अँड गुरशरण' या पुस्तकात आपल्या पित्याविषयी आठवणी लिहिल्या आहेत. त्यांनी लिहिले आहे की, अर्थशास्त्र हा विषय त्यांना आकर्षित करणारा होता. त्यांच्या वडिलांना विनोदबुद्धी चांगली होती. एप्रिल 1948 मध्ये मनमोहन सिंग यांनी अमृतसरच्या खालसा कॉलेजमध्ये प्रवेश घेतला.मनमोहन सिंग यांनी डाॅक्टर व्हावे अशी त्यांच्या वडिलांची इच्छा होती. त्यासाठी त्यांनी 2 वर्षांच्या एफएससी कोर्सला प्रवेश देखील घेतला. पण काही महिन्यांनी त्यांनी ते शिक्षण सोडले, कारण त्यांना डाॅक्टर होण्यात रस नव्हता. त्यानंतर त्यांच्या जिव्हाळ्याचा अर्थशास्त्र विषयाचा अभ्यास करण्याचे ठरविले. पित्याचे म्हणणे ऐकले असते तर ते डाॅक्टर बनले असते. दमन सिंग यांच्या पुस्तकात डाॅ. मनमोहनसिंग यांच्याबद्दलचे न ऐकलेले किस्सा वाचायला मिळतात.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
