सर्वात श्रीमंत राजा..संपत्ती 3 लाख कोटी!
बँकॉक:-
जगात बहुतांश ठिकाणी आता लोकशाही असली, तरी काही ठिकाणी राजेशाहीदेखील अस्तित्वात आहे. थायलंडचे राजे महा वजीरालोंगकोर्न हे जगातले सर्वांत श्रीमंत राजे आहेत. त्यांना 'राजा राम एक्स' या नावानेही ओळखले जाते.
राजा वजीरालोंगकोर्न यांची नेट वर्थ 43 अब्ज डॉलर्स म्हणजेच तीन लाख कोटी इतकी आहे. त्यांच्या संपत्तीतील एक भाग सिमेंट कंपनी आणि बँक ऑफ थायलंडमधून येतो. फॉक्स बिझनेसच्या रिपोर्टमध्ये असे सांगण्यात आले आहे की, त्यांची संपत्ती 30 अब्ज डॉलर्स ते 45 अब्ज डॉलर्सच्या दरम्यान आहे.
ब्रिटिश राजे किंग चार्ल्स हे जगातले सर्वांत चर्चेत असलेले राजे आहेत. त्यांची संपत्तीही वजीरालोंगकोर्न यांच्यापेक्षा कमी आहे. मीडिया रिपोर्टस्नुसार किंग चार्ल्स यांची संपत्ती 747 मिलियन डॉलर्स म्हणजे सहा हजार कोटी आहे. ती वजीरालोंगकोर्न यांच्यापेक्षा खूप कमी आहे. वजीरालोंगकोर्न यांच्या संपत्तीचा मुख्य स्रोत क्राउन प्रॉपर्टी ब्यूरो हा आहे. थायलंडमध्ये 6560 हेक्टरपेक्षा अधिक जमीन या संस्थेच्या नियंत्रणाखाली आहे. राजे वजीरालोंगकोर्न खूप लक्झरी आयुष्य जगतात. त्यांच्याकडे गोल्डन ज्युबिली डायमंड आहे. तो 545.67 कॅरेटचा भुर्‍या रंगाचा हिरा आहे. तो त्यांच्या उत्तम कलेक्शनचा एक भाग आहे. त्यांच्या कलेक्शनमध्ये चांदी, रत्ने, मोती आणि परदेशी दागिन्यांचा समावेश आहे. या राजांची अनेक बिझनेसमध्येही भागीदारी आहे. सियाम सिमेंट समूह या थायलंडच्या सर्वांत मोठ्या समूहातही त्यांची भागीदारी आहे. या राजाकडे 38 विमाने आहेत. त्यात बोइंग आणि एअरबसचा समावेश आहे. त्यांच्याकडे 21 हेलिकॉप्टर्सही आहेत. त्यांच्या या खासगी हवाई वाहनांवर वार्षिक 524 कोटी रुपये खर्च होतात. लिमोझिन, मर्सिडीज बेंझसारख्या उत्तमोत्तम कार्सही त्यांच्या कलेक्शनमध्ये आहेत.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
