अमित शाहांनी पंतप्रधानांबद्दल केली मोठी भविष्यवाणी ; म्हणाले,"जे करायचे ते करा."

अमित शाहांनी पंतप्रधानांबद्दल केली मोठी भविष्यवाणी ; म्हणाले,"जे करायचे ते करा."

 

केंद्रीय गृहमंत्री अमित शाह यांनी विरोधकांवर जोरदार हल्ला केला. "जे विरोधक म्हणतात की सरकार 5 वर्षे टिकणार नाही, त्यांना मी सांगू इच्छितो की मोदी सरकार केवळ 5 वर्षे टिकणार नाही, तर यानंतरही एनडीएचे सरकार स्थापन होईल.

."असा विश्वास अमित शाह यांनी व्यक्त केला आहे.

स्मार्ट सिटी मिशन अंतर्गत बांधण्यात आलेल्या 24×7 पाणी पुरवठा प्रकल्पाचे उद्घाटन करण्यासाठी चंदीगड अमित शाह आले होते. यावेळी ते म्हणाले, “10 वर्षात देशाने अनेक गोष्टी साध्य केल्या आहेत. चंद्रावर ध्वज फडकावणे असो, सर्जिकल स्ट्राईक आणि एअर स्ट्राईक करून शत्रूंना चोख प्रत्युत्तर देणे असो, काश्मीरमधून कलम 370 रद्द करणे, राम मंदिर बांधणे असो. रस्ते… देशातील जनतेने प्रत्येक क्षेत्रात विकासाचे नवे माध्यम अनुभवले आहे.असे म्हणत त्यांनी मोदी सरकारच्या यशांची गणना केली.

‘2029 मध्येही एनडीएची सत्ता येईल’

अमित शाह पुढे म्हणाले की, “मोदी सरकारच्या कामामुळेच 60 वर्षांनंतर सलग तिसऱ्यांदा पूर्ण बहुमताने सरकार सत्तेवर आले आहे. देशातील जनतेने मोदींच्या कार्यावर शिक्कामोर्तब केले आहे. मी तुम्हाला आश्वासन देतो की, विरोधकांना हवे ते करू द्या. 2029 मध्ये फक्त NDA चीच सत्ता येईल.. फक्त मोदीजी येतील.” असा विश्वास यावेळी अमित शाह यांनी व्यक्त केला.

‘भाजपकडे संपूर्ण I.N.D.I.A. आघाडीपेक्षा जास्त जागा’

अमित शाह म्हणाले की, “काही प्रमाणात यश मिळाल्याने आपण निवडणूक जिंकलो असे त्यांना वाटते. तीन निवडणुकांमध्ये काँग्रेसला मिळालेल्या जागांपेक्षा भाजपने या निवडणुकीत जास्त जागा जिंकल्या आहेत, हे त्यांच्या लक्षात येत नाही. एनडीएच्या केवळ एका पक्षाला म्हणजेच भाजपकडे त्यांच्या संपूर्ण आघाडीपेक्षा जास्त जागा आहेत.”

‘फक्त 5 वर्षेच नाही, पुढची टर्मही याच सरकारची’

तसेच विरोधकांवर हल्लाबोल करताना,”हे लोक ज्यांना अस्थिरता पसरवायची आहे… ते पुन्हा पुन्हा म्हणतात की हे सरकार चालणार नाही. त्यांना विश्वास देण्यासाठी मी आलो आहे. हा विश्वास मला विरोधकांना द्यायचा आहे, जनतेला आधीच विश्वास आहे… मी त्यांना सांगू इच्छितो की हे सरकार केवळ पाच वर्षे पूर्ण करणार नाही, तर पुढील कार्यकाळही याच सरकारचा असेल. विरोधी पक्षात बसण्याची तयारी ठेवा आणि विरोधी पक्षात नीट काम करण्याची पद्धत शिका.” असा सल्ला देखील त्यांनी यावेळी दिला.

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.