धावण्याचा सराव करताना तरुणाचा मृत्यू
कुपवाड : कुपवाड एमआयडीसीतील पाण्याच्या टाकीसमोरील रस्त्यावर धावण्याचा सराव करीत असताना गजानन शंकर दाभोळे (वय 18, सध्या रा. सुपर इंजिनिअरिंग कुपवाड एमआयडीसी, मूळ गाव हुबळी कर्नाटक) या तरुणाचा मृत्यू झाला. मृत्यूचे कारण समजू शकले नाही. या घटनेची नोंद कुपवाड पोलिस ठाण्यात झाली आहे.
मयत गजानन दाभोळे या तरुणाचे वडील कुपवाड एमआयडीसीतील सुपर इंजिनिअरिंग या कंपनीत रखवालदार म्हणून काम करीत आहेत. दाभोळे हा आई, वडील, बहीण असे तिघेजण कंपनीतील एका खोलीत राहत आहेत. दाभोळे हा तरुण मंगळवारी सकाळी कुपवाड एमआयडीसीतील पाण्याच्या टाकी समोरील रस्त्यावर धावण्याचा सराव करीत असताना तो अचानक रस्त्यावर पडल्याने त्याचा जागीच मृत्यू झाला.
या घटनेची माहिती कुपवाड पोलिसांना मिळताच पोलिसांनी तात्काळ घटनास्थळी धाव घेऊन दाभोळे याला मिरजेतील शासकीय रुग्णालयात दाखल केले.दवाखान्यात दाखल करण्यापूर्वीच त्याचा मृत्यू झाल्याचे डॉक्टरांनी पोलिसांनी सांगितले.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
