गोळी घालण्यापूर्वी पुरुषांना पॅन्ट उतरवायला लावली, प्रायव्हेट पार्ट चेक केले.; धक्कादायक माहिती समोर
काश्मीरमधील पहलगाम येथे झालेल्या दहशतवादी हल्ल्यासंदर्भात आणखी एक धक्कादायक माहिती उघडकीस आली आहे. काही वृत्तांनुसार, दहशतवाद्यांनी पुरुषांना गोळ्या घालण्यापूर्वी त्यांच्या पॅन्ट उतरवून त्यांचे प्रायव्हेट पार्ट तपासले. तसेच, लोकांकडून कलमाही पढवून घेतल्याचे
सांगितले जात आहे. या हल्ल्याने संपूर्ण देश हादरला आहे. पहलगाम येथे
पर्यटकांवर झालेल्या हल्ल्यात २५ पर्यटक आणि एका स्थानिक नागरिकासह एकूण २६
जणांचा मृत्यू झाला असून अनेक जण जखमी आहेत. मृतांमध्ये भारतीय वंशाच्या
दोन परदेशी नागरिकांचाही समावेश आहे. दहशतवाद्यांनी घटनास्थळी ५० हून अधिक
फैरी झाडल्याची माहिती आहे. परिस्थितीचे गांभीर्य लक्षात घेऊन केंद्रीय
गृहमंत्री अमित शाह स्वतः दिल्लीहून श्रीनगरला पोहोचले आहेत.
मंगळवारी दुपारी सुमारे २:३० वाजता २ ते
३ दहशतवादी बैसरन येथे आले. त्यांनी सुरुवातीला पर्यटकांचे ओळखपत्र
तपासण्यास सुरुवात केली आणि त्यानंतर अचानक अंदाधुंद गोळीबार सुरू केला.
काही वृत्तांनुसार, त्यांनी पुरुषांना गोळ्या घालण्यापूर्वी त्यांच्या
पॅन्ट उतरवल्या, प्रायव्हेट पार्ट तपासले आणि लोकांकडून कलमाही पढवून
घेतला. लोकांची नावे विचारून त्यांची हत्या करण्यात आली.
या हल्ल्याच्या वेळी एक लष्करी अधिकारी आपल्या कुटुंबासोबत त्याठिकाणी पर्यटनासाठी आले होते. त्यांनी प्रसंगावधान दाखवून स्वतःसह इतर लोकांना वाचवले आणि सुरक्षित आडोसा घेतला. या भीषण घटनेनंतर देशभरात संतापाची लाट उसळली असून पंतप्रधान मोदी , गृहमंत्री अमित शाह , संरक्षण मंत्री राजनाथ सिंह यांच्यासह अनेक वरिष्ठ नेत्यांनी या भ्याड हल्ल्याचा तीव्र निषेध केला आहे.पहलगाम हल्ल्याचे गंभीर परिणाम दिसून येत आहेत. पंतप्रधान मोदी यांनी सौदी अरेबियाने आयोजित केलेले अधिकृत रात्रीचे भोजन रद्द केले आहे आणि आपला दौरा नियोजित वेळेपूर्वी संपवण्याचा निर्णय घेतला आहे. ते आज (बुधवार, २३ एप्रिल २०२५) सकाळी भारतात परतणार आहेत. पूर्वी ते बुधवार रात्री परत येणार होते, परंतु आता ते लवकर परत येत आहेत. पंतप्रधान मोदींनी या हल्ल्याबाबत अमित शाह यांच्याशी दूरध्वनीवरून चर्चाही केली आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
