Breaking News! दीड लाख रुपयांची लाच घेताना क्रीडा अधिकारी कविता नावंदे ACB च्या जाळ्यात, जिल्ह्यात खळबळ
परभणी : राज्यात गेल्या काही महिन्यात एसीबी म्हणजे लाचलुचपत प्रतिबंधक विभागाने कारवाईचा धडाका लावला असून अनेक सरकारी कर्मचारी, अधिकारी जाळ्यात अडकल्याचे पाहायला मिळत आहे. त्यामध्ये, पोलीस, वन, महसूल विभागासह विविध शासकीय विभागातील अधिकाऱ्यांचा उल्लेख आहे. त्यात, महिला अधिकारी, कर्मचारीही आहेत.
आता, परभणी जिल्ह्यातील एसीबीकडून मोठी कारवाई करण्यात आली आहे. जिल्हा
क्रीडा अधिकारी कविता नावंदे एसीबीच्या जाळ्यात अडकल्या आहेत. स्विमिंग पूल
बांधण्यास परवानगी देण्यासाठी कविता नावंदे यांनी अडीच लाख रुपयांची लाच
मागितली होती. त्यातील, दीड लाखांची लाच घेताना रंगेहात पकडले आहे.
परभणी जिल्ह्यातील क्रीडा विभागात लाचप्रकरणामुळे खळबळ उडाली आहे. एका क्रीडा स्पर्धेचे बिल आणि स्विमिंग पुल मान्यतेसाठी जिल्हा क्रीडा अधिकारी कविता नावंदे यांनी लाच मागितली होती. कविता यांनी या मंजुरीसाठी संबंधितांकडे अडीच लाख रुपयांची लाच मागितली होती, ज्यात दीड लाख रुपये स्वीकारताना त्यांना एसीबीच्या अधिकाऱ्यांनी रंगेहात पकडले आहे. परभणी लाचलुचपत प्रतिबंधक विभागाने केलेल्या कारवाईमुळे जिल्ह्याच्या प्रशासकीय वर्तुळात खळबळ उडाली आहे.
मृत्यू झालेल्या कर्मचाऱ्यांच्या
कुटुंबाला पेन्शनसाठी मागितलेले पैसे असो की, क्रीडा कर्मचाऱ्यालाही क्रीडा
स्पर्धेचे बिल काढण्यासाठी मागितलेली पैसे असो अशा अनेक आर्थिक गैर
व्यवहाराचे आरोप त्यातच नुकत्याच झालेल्या अर्थसंकल्पीय अधिवेशनात
आमदारांनी लावलेली लक्षवेधी चर्चेत असतानाच परभणीच्या जिल्हा क्रीडा
अधिकारी कविता नावंदे यांना तब्बल दीड लाखांची लाच घेताना लाचलुचपत
प्रतिबंधक विभागाच्या अधिकाऱ्यांनी रंगेहात पकडले आहे. मानवत येथील एका
तक्रारदाराला तिथल्या क्रीडा स्पर्धेचे बिल तसेच स्विमिंग पूलचं मान्यता
देण्यासाठी कविता नावंदे यांनी अडीच लाखांची लाच मागितली होती. त्यातील एक
लाख रुपये पहिल्यांदाच त्यांनी स्वीकारले होते त्यानंतर ही रक्कम द्यायची
नव्हती. त्यामुळे या तक्रारदाराने परभणी लाच लुचपत प्रतिबंधक विभागाकडे
तक्रार केली त्या अनुषंगाने या तक्रारीची पडताळणी करण्यात आली आणि आज सापळा
रचून दीड लाख रुपये स्वीकारताना कविता नावंदे यांना रंगेहात पकडण्यात आले
आहे. सध्या त्यांना लाचलुचपत प्रतिबंधक विभाग कार्यालयामध्ये नेण्यात आले
असून त्यांच्यावर गुन्हा दाखल करण्याची प्रक्रिया ही सुरू आहे.
कविता नावंदे यांच्यावर आरोप असलेले प्रकरण
१) क्रिडा अधिकारी कार्यालयातील कर्मचारी गौतम यांच्या मृत्यू नंतर त्यांच्या कुटुंबियांना पेन्शन मंजूर करण्यासाठी पैसे मागितल्याचा कुटुंबाचा आरोप यावरूनच राष्ट्रवादीचे आमदार राजेश विटेकर यांनी लक्षवेधी मांडली होती हाच मुद्दा घेवून उबाठा चे आमदार राहुल पाटील यांनीही नावंदे यांना निलंबित करण्याची मागणी अधिवेशनात केली होती.२) जिल्हा क्रीडा अधिकारी कार्यालयातील कर्मचारी मुंडे यांनाही क्रीडा स्पर्धेचे बिल काढण्यासाठी पैसे मागितल्याची ऑडियो क्लिप चांगलीच वायरल झाली होती. दरम्यान, कविता नावंदे यांच्यावर यापूर्वीही गैरव्यवहारांचे अनेक आरोप करण्यात आले होते. तर, नुकतेच पार पडलेल्या अर्थसंकल्पीय अधिवेशनातही जिल्ह्यातील 2 आमदारांनी त्यांच्या कारभाराबद्दल विधिमंडळ सभागृहात लक्षवेधी मांडली होती. त्यातच, एबीसी अधिकाऱ्यांना धाड टाकून त्यांना 1.5 लाख रुपयांची लाच घेताना रंगेहात अटक केली आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
