विकासाची परंपरा कायम ठेवण्यासाठी सुधीरदादांना विजयी करा सिद्धार्थ गाडगीळ :गावभागात प्रचार बैठक
सांगली, दि.१३: गेल्या दहा वर्षात सांगली शहरासह संपूर्ण विधानसभा मतदारसंघात विकासाची एक परंपरा निर्माण झाली आहे. स्थायी स्वरूपाची ती विकास परंपरा कायम ठेवण्यासाठी पुन्हा एकदा आमदार सुधीरदादा गाडगीळ यांनाच मोठ्या मताधिक्याने महाराष्ट्राच्या विधानसभेत पाठवा, असे आवाहन आमदार गाडगीळ यांचे चिरंजीव सिद्धार्थ गाडगीळ यांनी केले.
गावभागातील सांभारे रस्त्यावर आयोजित प्रचार बैठकीत ते बोलत होते. प्रा. संतोष चिवटे बैठकीच्या अध्यक्षस्थानी होते. सिद्धार्थ गाडगीळ म्हणाले, गेल्या दहा वर्षात दादांनी मतदारसंघात रस्ते, पूल, गटारी, मंदिरांचे सभामंडप, जीर्णोद्धार अशी असंख्य कामे केली आहेत. याशिवाय शेकडो नागरिकांची व्यक्तिगत कामे केली आहेत. तसेच रुग्णांना मदत मिळवून दिली आहे.सांगलीत हनुमाननगरात सुसज्ज नाट्यगृह आता उभे राहणार आहे. त्यासाठी उपमुख्यमंत्री देवेंद्र फडणवीस यांनी२५ कोटी रुपयांचा निधी दिला आहे. या नाट्यगृहाची उभारणी याचबरोबर मतदार संघातील अन्य विकास कामे यांची गती कायम ठेवण्यासाठी सुधीरदादा गाडगीळ हेच पुन्हा एकदा विधानसभेत निवडून जाणे आवश्यक आहे. गावभागातून त्यांना मोठ्या प्रमाणावर पाठिंबा मिळेल याची आम्हाला खात्री आहे.
भाजप जनता युवा मोर्चाचे प्रदेश उपाध्यक्ष आणि माजी उपमहापौर धीरज सूर्यवंशी म्हणाले, गावभागाने नेहमीच दादांना मताधिक्य दिले आहे. त्यामुळे आम्हाला गावभागातल्या मताधिक्याची काळजी नाही. फक्त प्रत्येकाने आवर्जून मतदान करायचे आहे हे लक्षात ठेवा. शंभर टक्के मतदान झाले पाहिजे याकडे कटाक्ष राहू दे.प्रा. संतोष चिवटे म्हणाले, पाच वर्षांपूर्वी झालेल्या निवडणुकीपेक्षा दुप्पट मताधिक्य या खेपेस आम्ही दादांना देऊ.
महावीर कर्वे म्हणाले, राष्ट्रीय स्वयंसेवक संघाच्या स्थापनेला पुढील वर्षी शंभर वर्षे होत आहेत. गाडगीळ कुटुंबीयांनी संघाला नेहमीच मदतीचा हात दिला आहे. त्यामुळे ते लक्षात ठेवून या खेपेस आपल्याला सुधीरदादांना गावभागातूनच नव्हे ;तर सर्व मतदारसंघातच जास्तीत जास्त मताधिक्य द्यायचे आहे. संघ परिवाराची ती जबाबदारी आहे. यावेळी राष्ट्रीय महिला राष्ट्रीय महिला कुस्ती स्पर्धेत सुवर्णपदक मिळवलेल्या भार्गवी सटाले हिचा सिद्धार्थ गाडगीळ यांच्या हस्ते सत्कार करण्यात आला. माजी नगरसेविका उर्मिला बेलवलकर यांनी प्रचार बैठकीचे सूत्रसंचालन केले. यावेळी बाळासाहेब बेलवलकर, दीपक कर्वे, अवधूत सांभारे, चिंतामणी सांभारे , गजानन वैद्य, अरुण शेखर शियेकर,अजित पोतदार, बंटी भुरट, अनिल अपराध, अशोक माने आदि उपस्थित होते.
फोटो कॅप्शन
सांगली :गावभागातील सांभारे रस्त्यावर झालेल्या प्रचार बैठकीत बोलताना सिद्धार्थ गाडगीळसांगली :गावभागातील प्रचार बैठकीत बोलताना भाजप युवा मोर्चाचे प्रदेश उपाध्यक्ष आणि माजी उपमहापौर धीरज सूर्यवंशी.सांगली: राष्ट्रीय महिला कुस्ती स्पर्धेत सुवर्णपदक मिळवलेल्या भार्गवी सटाले हिचा सत्कार करण्यात आला.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
