वायनाडमध्ये प्रियांका गांधींना आव्हान देणाऱ्या नाव्या हरिदास आहेत तरी कोण?
नवी दिल्ली: महाराष्ट्र आणि झारखंड विधानसभा निवडणुकीसोबतच लोकसभेच्या दोन जागांवर पोटनिवडणूकही होणार आहे. यापैकी एक केरळमधील वायनाड सीट आहे. या हॉट सीटवर भाजपने नाव्या हरिदास यांना उमेदवारी दिली आहे. नाव्या हरिदास काँग्रेस नेत्या प्रियांका गांधी यांच्याविरोधात निवडणूक लढवणार आहे. लोकसभेतील विरोधी पक्षनेते राहुल गांधी यांनी लोकसभा निवडणुकीत वायनाड मतदारसंघातून विजय मिळवला होता. मात्र, ती जागा सोडल्यानंतर आणि उत्तर प्रदेशातील रायबरेलीची जागा कायम ठेवल्याने ती रिक्त झाली.
नाव्या हरिदास या भाजप महिला मोर्चाच्या प्रदेश सरचिटणीस आहेत. कोझिकोड कॉर्पोरेशनमध्ये त्या दोन वेळा नगरसेवक होत्या आणि त्या कॉर्पोरेशनमध्ये भाजपच्या संसदीय पक्षाच्या नेत्या आहेत. नाव्या हरिदास यांनी 2021 मध्ये कोझिकोड दक्षिण मतदारसंघातून भाजपच्या बॅनरखाली शेवटची विधानसभा निवडणूक लढवली होती, परंतु त्यांना पराभवाला सामोरे जावे लागले होते.
नाव्या हरिदास या व्यवसायाने मेकॅनिकल इंजिनिअर आहेत. 2007 मध्ये त्यांनी कालिकत विद्यापीठाच्या KMCT अभियांत्रिकी महाविद्यालयातून B.Tech ची पदवी प्राप्त केली. असोसिएशन फॉर डेमोक्रॅटिक रिफॉर्म्स (ADR) नुसार, नाव्या यांच्यावर कोणतेही गुन्हेगारी प्रकरण नाहीत आणि त्यांची मालमत्ता 1,29,56,264 रुपये आहे. एडीआरच्या म्हणण्यानुसार, त्यांच्यावर एकूण 1,64,978 रुपयांचे कर्ज आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
