भरधाव कारची बाईकला धडक; पती-पत्नीचा मृत्यू;
वडगाव मावळ :-भजन करून दुचाकीवरून घराच्या दिशेने जाणाऱ्या एका दापत्यावर नियतीने घात केला अज्ञात कारने दुचाकीला जोरात धडक दिल्याने पती व पत्नीचा मृत्यू झाला.
हा अपघात शनिवारी (दि.5) रात्री 10:30 वा. नायगाव ता. मावळ हद्दीत घडला. या घटनेने मावळ तालुक्यात परिसरात हळहळ व्यक्त होत आहे. गणेश दत्तात्रय चोपडे व अर्चना गणेश चोपडे रा.नायगाव ता.मावळ जि.पुणे अपघातात मृत्यू झालेल्या पती व पत्नीचे नाव आहे.
कामशेत पोलिसांनी दिलेल्या माहितीनुसार गणेश चोपडे व अर्चना चोपडे हे पती पत्नी भजन करून एम एच 14 GB 7074 या दुचाकीवरून घरी जात असताना काळ्या रंगाचा अज्ञात थार कारने दुचाकीला पाठीमागून जोरात धडक दिली. या अपघातात गणेश चोपडे व अर्चना चोपडे गंभीर जखमी झाल्याने त्यांचा मृत्यू झाला. यांच्या मागे दोन मुलं आहेत. राष्ट्रवादी विद्यार्थी तालुका अध्यक्ष नवनाथ चोपडे यांचा चुलत भाऊ व भावजयी होत. या घटनेने परिसरात हळहळ व्यक्त होत आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
