कुमारस्वामींच्या अडचणीत वाढ; ५० कोटींची लाच मागितल्याचा आरोप
कर्नाटकचे माजी मुख्यमंत्री आणि जेडीएस नेते कुमारस्वामी अडचणीत सापडले आहेत. कुमारस्वामी यांच्यासह आमदार रमेश गौडा यांच्यावर गुन्हा दाखल करण्यात आला आहे. जेडीएसचे सोशल मीडिया उपाध्यक्ष विजय टाटा यांनी दोन्ही नेत्यांवर 50 कोटी रुपयांची लाच मागितल्याचा आणि जीवे मारण्याची धमकी दिल्याचा आरोप केला आहे.
या प्रकरणी त्यांनी कुमारस्वामी आणि रमेश गौडा यांच्याविरोधातही तक्रार दाखल केली आहे. विजय टाटा यांनी दावा केला की, जेडीएस नेते रमेश गौडा त्यांच्या घरी आले आणि त्यांनी कुमारस्वामी यांचा नंबर डायल केला. मंत्र्याशी बोलल्यानंतर त्यांनी चन्नापटना पोटनिवडणुकीसाठी विजय टाटा यांच्याकडे 50 कोटी रुपयांची मागणी केली. यासोबतच पैशांची व्यवस्था न केल्यास विजयला बेंगळुरूमध्ये राहणे आणि रिअल इस्टेटचा व्यवसाय चालवणे कठीण होईल, असा इशाराही दिला होता. मात्र, जेडीएसने कुमारस्वामी यांच्यावरील आरोप फेटाळून लावले. त्यांनी सांगितले की, आरोप करणाऱ्या विजय टाटा यांचा पक्षाशी कोणताही संबंध नाही.
दुसऱ्या प्रकरणात बसनगौडा पाटील यत्नल यांच्या विरोधात त्यांच्या एका विधानासाठी एफआयआर नोंदवण्यात आला. कर्नाटकचा मुख्यमंत्री होण्यासाठी एका नेत्याने 1000 कोटी रुपये बाजूला ठेवल्याचा आरोप त्यांनी केला होता. काँग्रेसने तक्रार केल्यानंतर एफआयआर दाखल करण्यात आला आहे. कुमारस्वामी यांच्या विरोधात एफआयआर नोंदवण्याची प्रक्रिया सुरू असल्याचे पोलिस अधिकाऱ्यांनी सांगितले.
कुमारस्वामी दोनदा राहिलेत मुख्यमंत्री
कुमारस्वामी सध्या जेडीएस एनडीएचा भाग आहेत. त्यांच्याकडे उद्योग आणि पोलाद मंत्रालयाची जबाबदारी आहे. 2006 ते 2007 आणि 2018 ते 2019 या काळात ते दोनदा कर्नाटकचे मुख्यमंत्रीही राहिले आहेत. 2013 ते 2014 या काळात ते कर्नाटक विधानसभेत विरोधी पक्षनेतेही होते. यापूर्वीही ते लोकसभेचे सदस्य होते.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
