CBI ची मोठी कारवाई, R G Kar रुग्णालयाचे माजी प्राचार्य संदीप घोष यांच्यासह 4 जणांना अटक
केंद्रीय अन्वेषण यंत्रणेने सोमवारी आरजी कार रुग्णालयाचे माजी प्राचार्य संदीप घोष यांच्यासह चार जणांना अटक केली. आरजी कार रुग्णालयातील आर्थिक अनियमिततेबाबत सीबीआयने ही कारवाई केली आहे.
याप्रकरणी सीबीआयने नुकताच एफआयआरही नोंदवला होता. कोलकाताचे आर जी कार मेडिकल कॉलेज सध्या वादात सापडले आहे. येथे 9 ऑगस्ट रोजी रात्रीच्या ड्युटीदरम्यान एका कनिष्ठ डॉक्टरवर लैंगिक अत्याचार झाला होता. यानंतर तिची निर्घृण हत्या करण्यात आली. या प्रकरणाचाही तपास सीबीआय करत आहे.
या चौघांना करण्यात आली अटक
संदीप घोषबिप्लव सिंगा (विक्रेता)सुमन हजारा (विक्रेता)अधिकारी अली (संदीप घोष यांचे अतिरिक्त सुरक्षा रक्षक)दोषींना अटक व्हावी ही लोकांची इच्छा होती - सुकांत मुजूमदारसंदीप घोष यांच्या अटकेवर केंद्रीय मंत्री सुकांत मुजूमदार यांनी आपली प्रतिक्रिया दिली आहे. बंगालच्या लोकांना अटक हवी होती, असे ते म्हणाले. आरजी कार मेडिकल कॉलेजचे माजी प्राचार्य संदीप घोष यांना सीबीआय अटक करेल हे मला आधीच माहीत होते.
ईडी करणार मनी लाँड्रिंगची चौकशी
आरजी कार हॉस्पिटलमधील आर्थिक अनियमिततेबाबत सीबीआयने दाखल केलेल्या एफआयआरमध्ये संदीप घोष आणि तीन व्यावसायिक संस्थांची नावे समाविष्ट आहेत. या तिन्ही संस्था कथित आर्थिक घोटाळ्यातील लाभार्थी असल्याचे मानले जात आहे.या प्रकरणी ईडी मनी लाँड्रिंगचीही चौकशी करणार आहे. या प्रकरणात, केंद्रीय अन्वेषण ब्युरो अधिकाऱ्यांनी दाखल केलेल्या प्रथम माहिती अहवालाच्या आधारावर ED ECIR दाखल करेल. गेल्या आठवड्यात कोलकाता हायकोर्टाच्या आदेशानंतर सीबीआयने या प्रकरणाचा तपास सुरू केला आहे.
लैंगिक अत्याचार प्रकरणातील भूमिकेवरही प्रश्न उपस्थित केले गेले
या प्रकरणातही संदीप घोष यांच्या भूमिकेवर प्रश्न उपस्थित केले जात आहेत. या प्रकरणी सीबीआय अनेक दिवसांपासून त्यांची सतत चौकशी करत आहे. चौकशीदरम्यान, संदीप घोष सतत आपली विधाने बदलत आहेत आणि तपास यंत्रणा त्याच्या वक्तव्यावर समाधानी नाहीत.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
