प्रसिद्ध अभिनेत्याला अटक, दारुच्या नशेत एअरपोर्टवर घातला राडा!
हैदराबाद: एक धक्कादायक बातमी समोर आली आहे. नशेत बेधुंद अभिनेत्याने हैदराबाद एअरपोर्टवर राडा घातल्याचे समोर आले आहे. रजनीकांत सोबत स्क्रीन शेअर केलेल्या या अभिनेत्याच्या या गैरप्रकारामुळे खळबळ उडाली आहे.
अभिनेत्याच्या एअरपोर्टवरील या गैरवर्तनामुळे त्याला ताब्यात घेण्यात आले आहे. रजनीकांत स्टारर 'जेलर' चित्रपटातील अभिनेता विनायकनला पोलिसांनी अटक केली आहे. अभिनेत्यावर गुन्हा दाखल करण्यात आला आहे. मल्याळम विनायकनने हैदराबाद येथील राजीव गांधी आंतरराष्ट्रीय विमानतळावर इंडिगोच्या गेट कर्मचाऱ्यांशी गैरवर्तन केले. दारुच्या नशेत एअरपोर्टवरील या प्रकारामुळे अभिनेत्याला ताब्यात घेण्यात आले आहे.
अभिनेता विनायकन कोचीहून हैदराबादला पोहोचला होता आणि तो गोव्याला जात होता. त्याचा एक व्हिडिओही समोर आला आहे, ज्यामध्ये तो शर्ट काढून विमानतळावर बसलेला आणि कर्मचाऱ्यांवर ओरडताना दिसत आहे. या घटनेनंतर विमानतळावर उपस्थित असलेल्या सीआयएसएफ सुरक्षा पथकाने विनायकनला ताब्यात घेतले.दरम्यान, सुपरस्टार रजनीकांतच्या ब्लॉकबस्टर चित्रपट 'जेलर'मध्ये विनायकन खलनायकाच्या भूमिकेत दिसला होता. तो स्मगलरच्या भूमिकेत दिसला होता. विनायकनने १९९५ मध्ये 'मंथरिकम' या चित्रपटातून अभिनयाची सुरुवात केली.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
