रेशन कार्डसाठी ऑनलाइन अर्ज कसा करायचा? आवश्यक कागदपत्रे कोणती, फायदे काय? जाणून घ्या

रेशन कार्डसाठी ऑनलाइन अर्ज कसा करायचा? आवश्यक कागदपत्रे कोणती, फायदे काय? जाणून घ्या

 

रेशन कार्ड हे महत्त्वाचे दस्तऐवज आहे. रेशन कार्ड असलेल्या लोकांना परवडणाऱ्या किमतीत विशिष्ट प्रमाणात आणि चांगल्या गुणवत्तेचे अन्नधान्य सरकारकडून दिले जाते. तुम्ही महाराष्ट्रात राहत असाल व तुमच्याकडे रेशन कार्ड नसेल, तर तुम्ही घसबसल्या रेशन कार्ड बनवून घेऊ शकतात. ऑनलाइन रेशन कार्ड बनवून घेण्यासाठी काय करावे लागेल ते जाणून घेऊयात.

रेशन कार्डचे प्रकार

पिवळे रेशन कार्ड – दारिद्र्यरेषेखालील कुटुंबे (बीपीएल)

केशरी रेशन कार्ड – १५ हजार रुपयांपेक्षा जास्त, पण एक लाख रुपयांपेक्षा कमी उत्पन्न असलेली कुटुंबे

पांढरे रेशन कार्ड – एक लाख रुपये आणि त्याहून जास्त उत्पन्न असलेली कुटुंब

रेशन कार्ड बनवण्यासाठी पात्रता 

अर्जदाराकडे महाराष्ट्रातील किंवा इतर कोणत्याही राज्यातील रेशनकार्ड नसावे.

अर्जदार महाराष्ट्राचा कायमस्वरुपी रहिवासी असावा.

रेशन कार्डसाठी अर्ज करणाऱ्यांनी महाराष्ट्र सरकारने ठरवून दिलेल्या उत्पन्नासंदर्भातील पात्रता पूर्ण करणे आवश्यक आहे.

 

आवश्यक कागदपत्रे

आधार कार्ड

पॅन कार्ड

उत्पन्नाचा दाखला

विज बिल

घर भाड्याची पावती

बँक पासबुक

अर्जदाराचे फोटो

रेशन कार्डचे फायदे 

अन्नधान्य सवलतीच्या दरात मिळते.

रेशन कार्ड हे भारतातील अधिकृत ओळखपत्र आहे.

पॅनकार्डसाठी अर्ज करताना हा ओळखीचा पुरावा म्हणून वापरता येते.

नवीन एलपीजी कनेक्शन घेण्यासाठी रेशन कार्ड वापरता येते.

रेशन कार्डचा वापर बँक खाते उघडण्यासाठी आणि बँक खात्यांमध्ये पैसे पाठवण्यासाठी केला जाऊ शकतो.

नवीन मतदार ओळखपत्र बनवण्यासाठी, ड्रायव्हिंग लायसन्स आणि पासपोर्टसाठी अर्ज करण्यासाठी वापरता येते.

रेशन कार्डसाठी ऑनलाइन अर्ज कसा करायचा?

रेशन कार्ड बनवण्यासाठी सरकारच्या अधिकृत वेबसाईटवर जा.

तिथे साईन इन किंवा रजिस्टर पर्यायावर क्लिक करा

त्यानंतर Public Login या पर्यायावर क्लिक करा.

त्यानंतर New User Sign Up Here वर क्लिक करा

नवीन रेशन कार्डसाठी ‘Want to apply for New Ration Card’ वर क्लिक करा.

यानंतर तुम्हाला स्क्रीनवर मागितलेली सर्व माहिती अचूक भरा. त्यानंतर तुमचा युजर आयडी व पासवर्ड तयार करा.

 

त्यानंतर Register User वर क्लिक करून आपले युजर आयडी व पासवर्ड किंवा आधार नंबर टाकून लॉगिन करा.त्यानंतर कॅप्चा निट भरा आणि Get OTP या ऑप्शनवर क्लिक करा.

ओटीपी टाकल्यानंतर Submit ऑप्शनवर क्लिक करा.

ही प्रक्रिया पूर्ण झाल्यावर राष्ट्रीय अन्न सुरक्षा कार्यक्रमाच्या वेबसाईटवर तुमचे अकाउंट उघडेल.

अकाऊंट उघडल्यानंतर पुन्हा एकदा लॉग इनवर जाऊन रजिस्टर्ड युजर या ऑप्शनवर क्लिक करा. पुन्हा लॉग इन, पासवर्ड टाकून लॉग इन करा.

 

आता अॅप्लिकेशन रिक्वेस्टमध्ये ‘Apply For New Ration card’ वर क्लिक करा आणि तिथे मागितलेली माहिती भरा आणि आवश्यक कागदपत्रं अपलोड करा.

त्यानंतर Submit For Payment वर क्लिक करून शुल्क भरा.

ऑनलाइन फी जमा केल्यावर तुमची माहिती पडताळणीसाठी तहसील कार्यालयातील अधिकाऱ्यांकडे जाईल. तुम्ही रेशन कार्डसाठी पात्र असाल तर तुम्हाला तुमचे रेशन कार्ड मिळेल.

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.