भरदिवसा महिलेची काढली छेड
व्हायरल व्हिडीओमध्ये लखनऊमध्ये ताज हॉटेलच्या पुलाखालील रस्त्यावर पाणी साचलेले दिसत आहे. दरम्यान साचलेल्या पाण्यातून एक पुरुष आणि महिला दुचाकीवरून जात आहे. दरम्यान तेथे उपस्थित असलेल्या तरुणांच्या एका गटाने या दुचाकीला घेरले. पुराच्या पाण्यातून मार्ग काढत असलेल्या महिला व पुरुषांच्या अंगावर पाणी उडवण्यास सुरुवात केली. एवढेच नाही तर काही तरुणांनी बाईक ओढण्याचा प्रयत्न केला ज्यामुळे बाईक पडली आणि दुचाकीवरील पुरष आणि महिला देखील पाण्यात पडले. व्हिडिओमध्ये बाईक खेचण्यापूर्वी एक पुरुष कथितपणे महिलेला हाताशी धरताना दिसत आहे. ती महिला दुचाकीवरून खाली पडली तेव्हा तिला उठण्यासाठी मदतीची गरज होती.
महिलेची छेड काढणाऱ्यांवर नेटकऱ्यांनी व्यक्त केला संताप
व्हायरल व्हिडिओ पाहून नेटकऱ्यांना धक्का बसला आहे. भरदिवसा महिलेची छेड काढली जात आहे हे पाहून अनेकांनी संताप व्यक्त केला. इंस्टाग्रामवर @gharkekalesh नावाच्या पेज वर हा व्हिडिओ पोस्ट करण्यात आला आहे. व्हिडिओवर कमेंट करून अनेकांनी रोष व्यक्त केला. एकाने लिहिले की,”हा छळ आहे”, दुसरा म्हणाला, पोलि‍सांनी या छपरी लोकांना अटक करून त्यांना थर्ड डिग्री ट्रीटमेंट दिली पाहिजे जेणेकरुन ते पुन्हा असा प्रयत्न करणार नाहीत.” तिसरा म्हणाला, उत्तर प्रदेश पोलिस कुठे आहे? चौथा म्हणाला, अशा लोकांना जेलमध्ये टाकले पाहिजे.” पुलाखाली जमाव पांगवण्यासाठी पोलि‍सांनी हस्तक्षेप केला आणि पुरुष आणि महिलेचा छेड काढण्यात सहभागी असलेल्यांची ओळख पट‍वण्याच्या प्रक्रियेत आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
