घराचं स्वप्न पहाणाऱ्यांसाठी Good News! पीएम आवास योजनेअंतर्गत 3 कोटी घरे बांधण्याची घोषणा
केंद्रीय अर्थमंत्री निर्मला सीतारामन यांनी आज 23 जुलै रोजी केंद्राचा अर्थसंकल्प सादर केला. या अर्थसंकल्पाकडे सर्वांचे लक्ष लागून होते. अर्थसंकल्पात सर्वसामान्यांच्या दृष्टीने महत्त्वाच्या अशा विविध योजनांची घोषणा करण्यात आली.
यात सर्वसामान्यांच्या जिव्हाळ्याचा प्रश्न म्हणजे पीएम आवास योजने संदर्भात देखील मोठी घोषणा करण्यात आली. या घोषणेनंतर सर्वसामान्यांच्या हक्काच्या घराचे स्वप्न साकार होणार आहे. पीएम आवास योजनेंतर्गत 3 कोटी अतिरिक्त घरे बांधण्यात येणार असून यासाठी मोठी तरतुद अर्थसंकल्पात करण्यात आली आहे. शहरे आणि ग्रामीण भागात ही घरे बांधली जाणार आहेत.
काय आहे पीएम आवास योजना
देशातील प्रत्येक नागरिकाकडे स्वतःचे हक्काचे घर असावे यासाठी देशात पीएम आवास योजना राबवली जात आहे. या योजनेअंतर्गत लाभार्थ्यांना घर बांधण्यासाठी आर्थिक मदत केली जाते. या योजनेंतर्गत लाभार्थ्याला घर बांधण्यासाठी 2.5 लाख रुपयांचे अनुदान दिले जाते. गरिबांपासून ते मध्यमवर्गापर्यंतच्या नागरिकांना हक्काचे घर मिळावे, यासाठी ही योजना राबविली जाते. योजनेच्या लाभासाठी उत्पन्नाच्या आधारावर अनेक गट पाडण्यात आलेले आहेत. या गटानुसार घरासाठी कर्ज दिले जाते. अगोदर या योजनेंतर्गत कर्जाची रक्कम 3 ते 6 लाख रुपये होती. या कर्जावर अनुदानही मिळायचे. आता या कर्जाची मर्यादा 18 लाखांपर्यंत वाढवण्यात आली आहे.
योजनेच्या लाभासाठी या कागदपत्रांची अवश्यकता
पीएम आवास योजनेचा लाभ घेण्यासाठी लाभार्थ्यांकडे काही कागपत्र असणे गरजेचे आहे. त्यानुसार लाभार्थ्यांकडे कोणती कगदपत्रे असावी जाणून घेऊया,
आधार कार्ड
पॅन कार्ड
मतदान कार्ड
रहिवासी प्रमाणपत्र
उत्पन्नाचा दाखला
फॉर्म क्रमांक 16
बँक खात्याचे स्टेटमेंट
आयटी रिटर्न्स
असा करा अर्ज
पीएम आवास योजनेच्या ऑनलाईन नोंदणीसाठी http://pmaymis.gov.in या संकेतस्थळाला भेट द्या.
संकेतस्थळाच्या मुख्य मेन्यूमध्ये जाऊन सिटीझन असेसमेंट या ऑप्शनवर क्लिक करा.
त्यानंतर अर्जदार हा पर्यायाला सिलेक्ट करा.
त्यानंतर नवी विंडो ओपन झाल्यावर त्याठिकाणी तुमचा आधार क्रमांक टाका.
त्यानंतर तुमची वैयक्तिक माहिती भरा. यात बँक खात्यासंदर्भातील माहिती, तुमचा सध्याच्या घराचा पत्ता इद्यादी माहिती भरा.
माहिती भरुन झाल्यानंतर कॅप्चा कोड टाकावा आणि पूर्ण माहिती तपासून अर्ज सबमिट करा.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
