पुणे :- चक्क डॉक्टराचा तरुणावर कोयत्यानें हल्ला, हल्ल्याचे कारण तरी काय?
पुणे शहरातील कोयता हल्ल्याचे प्रकार राज्यात चर्चेत असतात. पुण्यात किरकोळ कारणांवरुन कोयता हल्ले झाल्याचे अनेक प्रकार घडले आहे. कोयता घेऊन शहरात दहशत निर्माण करणारी टोळी पुणे शहरात आहे. त्यामुळे पुण्यातील कोयता गँगची चर्चा विधीमंडळात झाली. विरोधकांनी पुण्यातील कोयता गँगकडून वाढणारे हल्ले आणि निर्माण केली जाणाऱ्या दहशतीचा प्रकारावरुन सरकारला धारेवर धरले होते. त्यानंतर पुणे शहरातील कोयता हल्ल्याचे प्रकार कमी झाले नाही. आता चक्क एका डॉक्टराने कोयत्याने हल्ला केला आहे. या हल्ला प्रकरणाचा गुन्हा वाघोली येथील लोणीकंद पोलिसात दाखल झाला.
का केला कोयता हल्ला
जीवन रक्षक हॉस्पिटलचा डॉक्टर विवेक गुप्ता आणि त्याच्या इतर दोन साथीदार गुंडांनी कोयत्याने हल्ला केला आहे. या तिघांनी प्रितेश बाफना यांच्यावर हल्ला केला. डॉक्टर विवेक गुप्ता याच्याकडून पितेश बाफना यांनी व्याजाने घेतले होते. ते पैसे वेळेत परत न दिल्याने डॉक्टर विवेक गुप्ता आणि गुंडांनी मिळून त्यांच्यावर हल्ला केला. या हल्ल्यात प्रितेश बाफना जखमी झाले आहे. त्यांना उपचारासाठी रुग्णालयात दाखल केले आहे. पुण्यातील वाघोली येथील लोणीकंद पोलिसात गुन्हा दाखल करण्यात आला आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
