जन्मोजन्मी हीच पत्नी मिळावी म्हणून चक्क पुरुषांनी वटवृक्षाला मारले सात फेरे
पिपरी- चिंचवड : पिंपरी- चिंचवडच्या पिंपळे गुरव येथे जन्मोजन्मी हीच पत्नी मिळावी म्हणून वटवृक्षाला चक्क पुरुषाने सात फेरे मारले आहेत. आजचा हा सण महिलांसाठी असल्याचे नेहमीच बोललं जातं.
याला छेद देत पुरुषांनी देखील वटवृक्षाला फेरे मारून स्त्री पुरुष समानता असल्याचा संदेश देण्याचा प्रयत्न केला आहे. मानवी हक्क संरक्षण या संस्थेकडून हा उपक्रम राबवण्यात आला. यावेळी पत्नीसोबत पतीने देखील वटवृक्षाला सात फेरे मारले. हे या संस्थेचे दहावा वर्ष आहे.
वटपोर्णिमा हा सण महिलांचा म्हणून ओळखला जातो. महिला जन्मोजन्मी हाच पती मिळावा म्हणून आजच्या दिवशी पारंपारिक पद्धतीने वेशभूषा करून वटवृक्षाला सात फेरे मारून प्रार्थना करतात. परंतु, याच परंपरेला छेद देत काही पुरुषांनी पुढे येऊन गेल्या दहा वर्षापासून वटवृक्षाला पत्नीसह स्वतः देखील सात फेरे घेऊन जन्मोजन्मी हीच पत्नी मिळावी अशी प्रार्थना करतात.देशात आणि राज्यात केवळ स्त्री- पुरुष समानतेच्या गप्पा मारल्या जातात. प्रत्यक्षात मात्र खरंच स्त्री पुरुष समानता आहे का? याबाबत शासंका आहे. पुरुषांनी वेगळा उपक्रम घेऊन स्त्री पुरुष समानता असल्याचा संदेश देण्याचा प्रयत्न केला आहे. परंतु, खरंच स्त्री पुरुष समानता आहे का? या प्रश्नाचे उत्तर मात्र नक्की शोधावं लागेल. यावेळी वसईत घडलेल्या घटनेचा तीव्र संताप महिलांनी बोलताना व्यक्त केला आहे. देशात आणि राज्यामध्ये स्त्री-पुरुष समानता या केवळ पोकळ गप्पा असल्याचं महिलांनी म्हटल आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
