नाशिकजवळ घोरपडीचे पाय, सॉफ्ट कोरल जप्त; महसूल गुप्तचर विभागाची कारवाई
मुंबई : महसूल गुप्तचर संचालनालयाच्या (डीआरआय) मुंबईतील पथकाने नाशिकजवळ कारवाई करत ७८१ बंगाल मॉनिटर लिझार्ड हेमिपेनेस (घोरपडीचे हाथा जोडी) आणि १९.६ किलो सॉफ्ट कोरल (इंद्रजाल) जप्त केले आहे. डीआरआयने दिलेल्या माहितीनुसार, वन्यजीव तस्करांची एक टोळी हात जोडी (बंगाल मॉनिटर लिझार्ड हेमिपेन्स) आणि मऊ कोरलसाठी खरेदीदार शोधत असल्याची माहिती मिळाली. त्यानुसार पथकाने सापळा रचला. त्यानुसार, तस्करांकडे खरेदीसाठी संपर्क साधतात त्यांनी नांदगाव रेल्वे स्थानकावर बोलावले. तस्कर जवळपास ३ तास जागा बदलत राहिला. अखेर,आदिवासी वस्तीत देवाणघेवाण करण्याचा निर्णय घेतला.
डीआरआयच्या पथकानेही आरोपीना संशय येऊ नये म्हणून वाहनावर निळे झेंडे दाखवून ओळख लपविण्याचा प्रयत्न केला. ठरल्याप्रमाणे व्यवहार ठरताच पथकाने आत जाण्याचा प्रयत्न केला. मात्र, दुचाकीवरील तस्करांच्या साथीदारांनी त्यांना अडवले. पुढे, तस्कर सावध झाला आणि काही वेळातच, टीमला सुमारे ३० दिवासींनी घेरले. त्यातील काहींनी अधिकाऱ्यांवर दगडफेक करण्यास सुरुवात केली. ही संधी साधून तस्कर व त्याच्या साथीदारांनी दारू घेऊन पळून जाण्याचा प्रयत्न केला. अधिकाऱ्यांनी जवळपास अर्ध्या किलोमीटरहून अधिक अंतरापर्यंत त्यांचा पाठलाग करत तस्कराच्या मुसक्या आवळल्या. आरोपीकडून ७८१ हात जोडी आणि १९.६ किलो मऊ कोरलदेखील जप्त केले. याप्रकरणी डीआरआयकडून अधिक तपास सुरू आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
