' टायटॅनिक' मधील 'त्या ' हिरोईनचा जीव वाचवणाऱ्या लाकडाचा लिलाव, ' इतक्या ' कोटीला झाला
चित्रपटात दाखवण्यात आलेला हा लाकडी दरवाजा, 1912 च्या आपत्तीतून सापडलेल्या संपूर्ण ढिगाऱ्यापासून बनवण्यात आला होता. 1997 मधे आलेला 'टायटॅनिक' चित्रपट अनेकांनी पाहिला असेल. प्रेक्षकांच्या पंसतीस उतरलेल्या या चित्रपटात एका सिनमध्ये नायक स्वताचा जीव धोक्यात घालून नायिका 'रोझला' बर्फाळ पाण्यापासून वाचवतो. त्यासाठी ती एका लाकडाच्या तुकड्याचा आधार घेते. याचं लाकडाच्या तुकड्याचा नुकताचं लिलाव झाला आहे. 'टायटॅनिक'च्या फॅनने तो कोट्यावधी रुपयांना विकत घेतला आहे.
रिपोर्टनुसार, हॉलीवूडच्या इतिहासातील अनेक प्रसिद्ध वस्तूंचा गेल्या आठवड्यात लिलाव करण्यात आला, ज्यामध्ये द शायनिंग, फॉरेस्ट गंपचे चॉकलेट कलेक्शन आणि इंडियाना जोन्सचा विश्वासू चाबूक यांचा समावेश आहे. या वस्तुमध्ये, टायटॅनिक चित्रपटात वापरण्यात आलेल्या लाकडी तुकड्याला पाच कोटी रुपयांपेक्षा जास्त म्हणजे 718,750 डॉलर्स किंमत मिळाली. प्लॅनेट हॉलीवूड रेस्टॉरंट आणि रिसॉर्ट ग्रुपने आयोजित केलेल्या प्रॉप आणि कॉस्च्युम लिलावादरम्यान ही विक्री झाली.
असा बनला लाकडी दरवाजा
हेरिटेज ऑक्शन्सच्या लिलावकर्त्यांनुसार, हा प्रॉप, म्हणजे लाकडी दरवाजा, 1912 च्या आपत्तीतून सापडलेल्या संपूर्ण ढिगाऱ्यापासून बनवण्यात आला होता. 'टायटॅनिक'च्या एका दृश्यात वापरण्यात आलेला हा लाकडी तुकडा लिलावात $718,750 म्हणजेच 5,99,25,637 रुपयांना विकला गेला आहे.टायटॅनिक रिलीज झाल्यापासून चाहत्यांना असा प्रश्न पडला आहे की जॅक स्वतःला आणि त्याची मैत्रीण रोझला सुरक्षित ठेवण्यासाठी त्या लाकडी दरवाजावर बसू शकत नाही का? 'टायटॅनिक' मधील या दृश्यात लिओनार्डो डिकॅप्रिओने साकारलेले 'जॅक' हे पात्र दाखवले आहे, जो बर्फाळ पाण्यात स्वतःला शोधतो, परंतु स्वत: ला वाचवण्यासाठी रोझ त्या लाकडी दरवाजाला चिकटून राहण्याचा सल्ला देतो आणि आपला श्वास सोडतो. चित्रपटाचा शेवट लोकांना भावूक करतो, त्यानंतर प्रेक्षकांनी रोझला स्वार्थी म्हटले होते.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
