मध्यरात्री घराच्या दरवाजासमोर येऊन उभा राहिला ब्लॅक पँथर; मग..धक्कादायक VIDEO
नवी दिल्ली : वन्य प्राणी जोपर्यंत जंगलात राहतील तोपर्यंत ठीक आहे. मात्र जंगलतोड मोठ्या प्रमाणात होत असल्याने वन्य प्राणी अनेकदा निवासी भागात येत आहेत. अलीकडेच सोशल मीडियावर असे अनेक झाले आहेत. यातील अनेक प्राणी तर थेट शहरं गाठत आहेत. ते अगदी लोकवस्तीतही शिरतात. जर ते दिवसा आले तर ओळखणं सोपं जातं, परंतु जर तुम्ही घरात झोपण्याच्या तयारीत असाल आणि ते आत डोकावू लागले तर काय होईल? याचा विचार करूनच थरकाप उडतो. मात्र, असाच एक व्हिडिओ सोशल मीडियावर व्हायरल होत आहे, जो पाहून तुम्हाला धक्का बसेल.
X युजर किशोर चंद्रन (@tweetKishorec) यांनी हा व्हिडिओ शेअर केला आहे. त्यासोबत कॅप्शनमध्ये लिहिलं आहे, पाहा कोण गुपचूप निलगिरीतील कुन्नूरजवळच्या घरात घुसत आहे. व्हिडिओच्या सुरुवातीला एका घरासमोरील अंगण दिसत आहे, ज्याच्या एका बाजूचा दरवाजा बंद आहे. काही क्षणांतच या साध्या दृश्याला भितीदायक वळण मिळतं जेव्हा एक काळा बिबट्या तिथून जातो. व्हिडिओमध्ये ब्लॅक पँथर आजूबाजूला पाहत शांतपणे चालताना दाखवलं आहे.
हे पाहून लोक हैराण झाले
सीसीटीव्हीत कैद झालेला हा व्हिडिओ शेअर होताच व्हायरल झाला. काही तासांतच तो 75 हजारांहून अधिक वेळा पाहिला गेला. हा व्हिडिओ पाहून अनेकजण घाबरले. मात्र, काहींनी लिहिलं की त्यांना जंगल बुकमधील काल्पनिक पात्र बघिराची आठवण झाली. एकाने लिहिलं, बघिरा मोगलीला शोधत आहे. हा ब्लॅक पँथर दिसणं फारच दुर्मिळ! दुसऱ्याने कमेंट केली, त्या घरात जर कोणी असेल तर त्या व्यक्तीला बसलेल्या धक्क्याची कल्पना करा. त्यांचं काय झालं असतं. हे खरोखर खूप भीतीदायक आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
