पत्नीसोबतचा वाद, तरुणाने पोलिस चौकीसमोर केले स्वतःवर ब्लेडने वार
पुणे : पती-पत्नीच्या वादातून तरुणाने पोलिस चौकीसमोर येऊन ब्लेडने वार करून घेत आत्महत्या करण्याचा प्रयत्न केला. ही घटना शुक्रवारी (दि. २३) फरासखाना पोलिस ठाण्याच्या हद्दीतील शुक्रवार पेठ पोलिस चौकीसमोर घडली. सलमान अत्तार, असे आत्महत्येचा प्रयत्न केलेल्या तरुणाचे नाव असून, उपचारानंतर त्याला घरी सोडण्यात आले आहे.
अधिक माहितीनुसार, सलमानची दोन लग्नं झाली असून, त्याच्यासोबत एकच पत्नी राहते. दारू पिल्यानंतर त्याने तिलाही मारहाण केली होती. त्याच रागातून पत्नी गणेश पेठेत माहेरी निघून गेली. मात्र, पत्नी मीसिंग असल्याची तक्रार घेऊन सलमान पोलिस चौकीत गेला. तिथे पोलिसांनी त्याच्या पत्नीला फोन लावला असता, तिने माहेरी गेल्याचे सांगितले. त्यामुळे पोलिसांनी त्याला घरी जायला सांगितले. त्याच रागातून त्याने शुक्रवार पेठ पोलिस चौकीसमोर स्वतःवर ब्लेडने वार आत्महत्या करण्याचा प्रयत्न केला.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.