राजकीय पक्षांनी केला कंडोमच्या पाकिटांवरून प्रचार; मतदार पडले संभ्रमात
देशात आगामी लोकसभा निवडणूका पार पडणार आहे . त्यानुसार प्रत्येक पक्ष आपापल्या परीने जोरदार प्रचार करत आहेत आगामी लोकसभा निवडणुकीसाठी पक्षाची रणनीती आणि प्रचाराची तयारी सर्व पक्षाकडून सुरु झाली आहे. अशात काही पक्ष मतदारांना भेटवस्तू देत प्रचार करत आहे. अशात काही पक्ष हटके प्रचारा करतांना दिसून येतात. असे काहीसे हटके प्रचार करण्याचा प्रकार आंध्र प्रदेशमधून समोर आला आहे.
कसभा निवडणुकीच्या तयारीदरम्यान आंध्र प्रदेशमध्ये एक मोठा मुद्दा समोर आला आहे. राज्याचे मुख्यमंत्री वायएस जगन मोहन रेड्डी यांचा वायएसआर काँग्रेस पक्ष (वायएसआरसीपी) आणि माजी मुख्यमंत्री एन चंद्राबाबू नायडू यांच्या तेलगू देसम पार्टी (टीडीपी) यांनी एकमेकांवर कंडोमच्या पॅकेटमधून प्रचार केल्याचा आरोप केला आहे.
टीडीपी आणि वायएसआर काँग्रेस पक्षाने याबाबत एक व्हिडिओ जारी केला आहे. यामध्ये कंडोमच्या पाकिटांवर निवडणूक चिन्ह व पक्षाचे नाव छापून घरोघरी वाटप करून निवडणूक प्रचार सुरू असल्याचा आरोप दोन्ही पक्षांनी एकमेकांवर केला आहे.
काय म्हणाले वायएसआर काँग्रेस पक्ष आणि टीडीपी?
वायएसआर काँग्रेस पार्टी (वायएसआरसीपी) ने सोशल मीडियावर व्हिडिओ शेअर करत लिहिले की, टीडीपी पक्षाचा प्रचार करण्यासाठी लोकांना कंडोमचे पॅकेट वाटप करत आहे, हा प्रचाराचा वेडा आहे. याला प्रत्युत्तर म्हणून टीडीपीनेही व्हिडीओ शेअर केला आणि तुम्ही ओरडत का आहात असे म्हटले आहे. 'ही तुझी तयारी आहे का?
एप्रिल-मेमध्येच लोकसभेच्या निवडणुका होण्याची शक्यता आहे अशा वेळी हे येत आहे. आंध्र प्रदेशातही याच वर्षी विधानसभा निवडणुका होणार आहेत. दोन्ही पक्ष सध्या भाजपच्या नेतृत्वाखालील राष्ट्रीय लोकशाही आघाडी किंवा विरोधी आघाडी ‘इंडिया’ यापैकी एकाचा भाग नाहीत. मात्र, टीडीपी एनडीएमध्ये परतण्याची शक्यता राजकीय वर्तुळात आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.