जम्मू-काश्मीरचे माजी राज्यपाल सत्यपाल मलिक यांच्याशी संबंधित ३० ठिकाणी सीबीआयचा छापा
नवी दिल्ली : जम्मू-काश्मीरचे माजी राज्यपाल सत्यपाल मलिक यांच्या दिल्लीतील घरावर सीबीआयने छापा टाकला आहे. सीबीआयने दिल्लीत 30 ठिकाणी छापे टाकले आहेत.
सीबीआयने जलविद्युत प्रकल्प प्रकरणी छापा टाकला आहे. यापूर्वी सीबीआयने विमा घोटाळ्याप्रकरणी मलिक यांच्यावर कारवाई केली होती. याआधीही सीबीआयने जम्मू- काश्मीरमधील सत्यपाल मलिक आणि त्याच्या निकटवर्तीयांच्या घरावर छापे टाकले होते.मिळालेल्या माहितीनुसार, किश्तवाड्मधील किरू जलविद्युत प्रकल्पासाठी 2,200 कोटी रुपयांचे नागरी कामाचे कंत्राट देण्यात कथित भ्रष्टाचाराच्या प्रकरणात 2019 मध्ये हा छापा टाकण्यात आला होता. 23 ऑगस्ट 2018 ते 30 ऑक्टोबर 2019 या कालावधीत जम्मू आणि काश्मीरचे राज्यपाल असलेले मलिक यांनी या प्रकल्पाशी संबंधित दोन फाईल्स मिटवण्यासाठी 300 कोटी रुपयांची लाच दिल्याचा आरोप केला होता.
सीबीआयने यापूर्वी सांगितले होते की, 'वर्ष 2019 मध्ये किरू हायड्रो इलेक्ट्रिक पॉवर प्रोजेक्टच्या सिव्हिल कामाचे सुमारे 2,200 कोटी रुपयांचे कंत्राट एका खासगी कंपनीला देण्यात गैरव्यवहार केल्याच्या आरोपावरून गुन्हा दाखल करण्यात आला होता.' चौधरी हे 1994 च्या बॅचचे जम्मू-काश्मीर-केडर भारतीय प्रशासकीय सेवा अधिकारी आहेत.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
