फोन हरवला.. घरबसल्या करा ब्लॉक.. मोबाईल नंबरचीही मिळेल माहिती ! खूप फायदेशीर आहे 'ही' सरकारी वेबसाईट

फोन हरवला.. घरबसल्या करा ब्लॉक.. मोबाईल नंबरचीही मिळेल माहिती ! खूप फायदेशीर आहे 'ही' सरकारी वेबसाईट

वेगाने वाढणाऱ्या तंत्रज्ञानाच्या या युगात आपण अत्यंत सावधगिरी बाळगणे आवश्यक आहे. गेल्या काही वर्षांत इंटरनेट आणि मोबाईल फोनचा विस्तार झपाट्याने झाला आहे. आज जवळपास प्रत्येकाकडे मोबाईल आणि इंटरनेट उपलब्ध आहे ज्याद्वारे लोक कोणत्याही प्रकारची माहिती क्षणात मिळवू शकतात. इंटरनेटचा वापर वाढल्याने ऑनलाइन फसवणूक आणि घोटाळ्यांच्या घटनांमध्येही झपाट्याने वाढ झाली आहे. इंटरनेट विश्वातील घोटाळ्यांच्या वाढत्या घटनांना आळा घालण्यासाठी सरकारही वेगाने प्रयत्न करत आहे. सरकारने सुरक्षा आणि गोपनीयता लक्षात घेऊन अनेक ॲप्स देखील जारी केले आहेत.

स्मार्टफोन वापरकर्त्यांच्या सुरक्षेसाठी सरकारने गेल्या वर्षी सरकारी पोर्टल सुरू केले होते. त्याच्या मदतीने तुम्ही तुमचा मोबाईल नंबर आणि स्मार्टफोन सुरक्षित ठेवू शकता. तुमचा फोन हरवला असला तरी तुम्ही त्याला ट्रॅक करू शकता. या सरकारी पोर्टलबद्दचे नाव संचार साथी असे आहे. संचार साथी साईटवर अनेक सुविधा देण्यात आल्या आहेत ज्यामुळे घोटाळे आणि फसवणूक टाळण्यास मदत होते.

फोन हरवला तर तुम्ही ब्लॉक करू शकता

जर तुमचा फोन हरवला असेल किंवा कोणी चोरला असेल, तर संचार साथी पोर्टल तुमच्यासाठी खूप उपयुक्त ठरणार आहे. त्याच्या मदतीने तुम्ही घरी बसून काही सेकंदात तुमचा फोन ब्लॉक करू शकता. यामुळे तुमच्या फोनचा कोणीही गैरवापर करू शकणार नाही आणि तुमचा डेटाही सुरक्षित राहील.

मोबाईल ब्लॉक करण्यासाठी तुम्हाला sancharsaathi.gov.in वर जावे लागेल.

आता तुम्हाला येथे Block Stolen/Mobile Number या पर्यायावर क्लिक करावे लागेल.

आता तुम्हाला एक फॉर्म मिळेल ज्यामध्ये आवश्यक तपशील भरावा लागेल.

आता तुमच्या नोंदणीकृत मोबाईल नंबरवर OTP पाठवला जाईल.

OTP सत्यापित केल्यानंतर, सबमिट बटणावर क्लिक करा.

जुन्या फोनचीही मिळणार माहिती

जर तुम्ही जुना किंवा सेकंड हँड मोबाईल खरेदी करणार असाल तर संचार साथी ॲप तुम्हाला इथेही मदत करेल. या पोर्टलवर Know Your Mobile ची सुविधा देण्यात आली आहे. याच्या मदतीने तुम्ही जुना फोन खरेदी करण्यापूर्वी त्याची पडताळणी करू शकाल. म्हणजेच फोन चोरीचा आहे की नाही हे तुम्हाला कळू शकेल.

सक्रिय मोबाईल क्रमांकाची माहिती उपलब्ध 

अनेक वेळा आपण आपल्या नावावर आतापर्यंत किती सिम खरेदी केली आहेत हे आपल्याला माहिती नसते. आपण संचार साथी पोर्टलवर देखील ही माहिती मिळवू शकता. या पोर्टलवर TAFCOP विभाग दिलेला आहे. तुमच्या नावावर किती मोबाईल नंबर ॲक्टिव्ह आहेत हे तुम्ही येथे जाणून घेऊ शकता. एवढेच नाही तर, जर तुम्हाला असे आढळून आले की असा नंबर आहे जो तुम्हाला मिळालेला नाही, तर तुम्ही तो लगेच ब्लॉक करू शकता किंवा तक्रार करू शकता.

how to Block Lost phone, get information about the mobile number, government website beneficial,useful government Website,sancharsaathi.gov.in,government 

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.