गृहकर्जधारकांना आनंदाची बातमी ! 50 लाखांच्या गृहकर्जावर सरकार देणार 9 लाख रुपये
केंद्र सरकारच्या ताज्या अपडेटनुसार, सरकार पुढील एक किंवा दोन महिन्यांत नवीन योजना सुरू करू शकते. या अंतर्गत सरकार 50 लाख रुपयांपर्यंतच्या गृहकर्जावर व्याज अनुदान देणार आहे.
ही योजना प्रधानमंत्री आवास योजनेसारखी असणार आहे. काय आहे ही योजना आणि कशी काम करेल चला पाहूया… 2024 निवडणुकीपूर्वी मोदी सरकार मध्यमवर्गीयांना मोठी भेट देण्याची तयारी करत आहे. ज्यामध्ये ते 50 लाख रुपयांपर्यंतच्या गृहकर्जावर 9 लाख रुपयांपर्यंत सबसिडी देऊ शकतात. याचा अर्थ गृहकर्ज ग्राहकांना एकूण कर्ज परतफेडीत 9 लाख रुपयांची बचत होईल. तसे झाल्यास शहरांमध्ये राहणाऱ्या मध्यमवर्गीयांना मोठा दिलासा मिळेल आणि स्वत:चे घर घेण्याचे स्वप्न पूर्ण होईल.
केंद्र सरकार ही योजना येत्या एक-दोन महिन्यांत आणू शकते. ज्या अंतर्गत सरकार 50 लाख रुपयांपर्यंतच्या गृहकर्जावर व्याज अनुदान देणार आहे. ज्या अंतर्गत जास्तीत जास्त 9 लाख रुपये व्याज अनुदान दिले जाऊ शकते. या योजनेचा लाभ 50 लाखांपेक्षा कमी कर्ज घेणाऱ्या गृहकर्ज ग्राहकांना घेता येणार आहे.
कर्जासाठीची अर्ज जास्तीत जास्त 20 वर्षांपर्यंत केला जाऊ शकतो. ही योजना 2028 पर्यंत पात्र असेल. नवीन योजना कधी लागू केली जाईल आणि त्याच्या पात्रतेच्या अटी काय असतील हे सरकार लवकरच जाहीर करू शकते. या योजनेचा थेट फायदा २५ लाख कुटुंबांना होईल, अशी अपेक्षा आहे.
काय म्हणाले पंतप्रधान?
या योजनेबाबत, 15 ऑगस्ट २०२३ रोजी पंतप्रधान नरेंद्र मोदी यांनी लाल किल्ल्यावरून सांगितले होते की, शहरांमध्ये भाड्याच्या निवासस्थान, झोपडपट्ट्या, चाळी आणि अनधिकृत वसाहतींमध्ये राहणारी कुटुंबे स्वतःच्या घराचे स्वप्न पाहतात. त्यांना स्वत:चे घर बांधायचे असेल, तर त्यांना बँकेकडून मिळणाऱ्या कर्जावरील व्याजावर सवलत देऊन लाखो रुपयांची मदत करण्याचा निर्णय आम्ही घेतला आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
