ओव्हरलोडमुळे ट्रेनचे 10 डबे उलटले, अपघाताचा LIVE VIDEO
नवी दिल्ली: रेल्वे अपघात कमी होण्याचं काही नाव घेत नाही. पुन्हा एकदा रेल्वे अपघात झाला आहे. या अपघातामुळे चांगलीच खळबळ उडाली आहे. शनिवारी सकाळी हा अपघात झाल्याची माहिती मिळाली. स्टेशनच्या काही मिनिटं आधी ट्रेन रुळावरुन उटली झाली. एक दोन नाही तर 10 डबे उलटे झाले. यामुळे मोठं नुकसान झालं आहे.
प्राथमिक माहितीनुसार दिल्लीतील जाखिरा येथे शनिवारी सकाळी मोठा रेल्वे अपघात झाल्याने खळबळ उडाली. ही मालगाडी असल्याने सुदैवानं कोणतीही जीवितहानी झाली नाही. रेल्वेचे पथक आणि अग्निशमन दल घटनास्थळी तैनात आहे. मिळालेल्या माहितीनुसार, आज सकाळी 11.42 वाजता अग्निशमन विभागाला जाखिरा उड्डाणपुलाजवळ एक गाडी रुळावरून घसरल्याची माहिती मिळाली.
घटनास्थळी पोहोचलेल्या अग्निशमन दलाला ही रेल्वे मालगाडी असल्याचे आढळले, त्यातील 10 बोगी रुळावरून घसरल्या. माहिती मिळताच रेल्वेचे पथक, अग्निशमन दल, पोलिसांचे पथक आणि इतर पथके घटनास्थळी दाखल झाली. मालगाडीत लोखंडी पत्र्याचे रोल्स भरलेले होते. बचावकार्य सुरू असून रुळावरुन डबे हटवण्याचं काम सुरू आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
