क्रेटा ऐवजी स्विफ्ट मिळाली; लग्नाला नकार, नवरीच्या नातेवाईकांनी शिकवला धडा
दिल्ली: एक धक्कादायक घटना समोर आली आहे. नवरदेवाने हुंड्यामध्ये क्रेटा कारऐवजी स्विफ्ट कार मिळाल्यानं लग्नाला नकार दिला. त्यामुळे नवरीचे नातेवाईक चांगलेच संतापले. त्यांनी नवरदेवासह संपूर्ण वऱ्हाडालाच बंदी बनवलं. त्यानंतर आतापर्यंत लग्नाला जेवढा खर्च झाला आहे. तेवढा दोन्ही पक्षांनी सम प्रमाणात देण्याचं ठरलं आणि नवरीशिवाय वरात आपल्या घरी परतली.
घटनेबाबत अधिक माहिती अशी की ही घटना उत्तर प्रदेशमधील बुलंदशहरमध्ये घडली आहे. मिळालेल्या माहितीनुसार गाझियाबादमधील भोजपूर गावातून एक वरात बुलंदशहरमध्ये आली होती. दुपारी तीन वाजता लग्नाचा मुहूर्त ठरला होता. लग्नासाठी मौलवीदेखील कार्यक्रमस्थळी दाखल झाले होते. त्यानंतर वधूच्या घरच्यांनी हुंड्याची यादी वाचण्यास सुरुवात केली. या यादीमध्ये जेव्हा कारचं नाव स्विफ्ट आलं तेव्हा नवरदेवाने गोंधळ घालण्यास सुरुवात केली. हुंड्यामध्ये आपल्याला क्रेटा कार मिळावी अशी वराची इच्छा होती. मात्र स्विफ्ट कार मिळाल्यानं त्याने लग्नला नकार दिला.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
