जेवण दिले नाही म्हणून पतीने पत्नीला संपवलं
पुण्यात अतिशय धक्कादायक घटना घडली आहे. शुक्रवारी रात्री कात्रजमध्ये राहणाऱ्या एका व्यक्तीने शुल्लक कारणावरून आपल्या पत्नीची हत्या केली आहे. या घटनेमुळे परिसरात हळहळ व्यक्त केली जात आहे. या प्रकरणी पोलिसांनी आरोपी पतीला ताब्यात घेतले असून त्याची चौकशी सुरू आहे.
समोर आलेल्या माहितीनुसार, आरोपी तानाजी कांबळे कात्रजमधील दत्तनगर परिसरात पत्नीसह राहायचा. तो व्यवसायाने पेंटर असून रोजंदारीवर काम करतो. त्याला दारुचे व्यसन होते. तो नेहमीप्रमाणे मद्यपान आला व पत्नीला जेवण वाढायला सांगितले.
मात्र, पत्नीने त्याला जेवण वाढले नाही. त्यामुळे तानाजीला राग आला. त्याने पत्नीच्या छातीवर जोरजोरात बुक्क्या मारल्या. या घटनेत तिचा मृत्यू झाला. या घटनेची माहिती मिळताच भारती विद्यापीठ पोलिसांनी घटनास्थळी धाव घेतली व आरोरीला ताब्यात घेतले. आता तानाजी कांबळेवर गुन्हा दाखल केला असून पालिस अधिक तपास करत आहे.
मिळालेल्या माहितीनुसार, तानाजी कांबळे आणि त्याच्या पत्नीचे सतत भांडण होत असे. शुक्रवारी हे भांडण शिगेला पोहोचले व आरोपी तानाजीने आपल्या पत्नीचा जीव घेतला. याप्रकरणी माधुरीचा तानाजीचा मुलगा पियुष कांबळे याने पोलिसात बापाविरूद्ध फिर्याद दिली होती. त्यानंतर पोलिसांनी आरापीला ताब्यात घेतले आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.