वडिलांना गोळ्या झाडून मारले, आई आणि भावाचाही घेतला जीव
पंजाबमधील जालंधर येथे तिहेरी हत्याकांडाची एक धक्कादायक घटना घडली आहे. एका व्यक्तीने कुटुंबातील तीन व्यक्तींची गोळ्या झाडून हत्या केली. ही घटना जालंधरमधील लंबरा पोलीस ठाण्याच्या हद्दीत घडली आहे. लंबरा येथे टॉवर एन्क्लेव्ह फेज ३ मध्ये राहणाऱ्या एका व्यक्तीने वडील, आई आणि भावाची हत्या केली.
हरप्रीत नावाच्या व्यक्तीने वडिलांच्या बंदुकीने आधी वडील मग आई आणि भावाची गोळ्या झाडून हत्या केली. तिहेरी हत्येची धक्कादायक घटना घडल्यानंतर पोलिसांनी घटनास्थळी धाव घेतली. तसेच या प्रकरणाच्या तपासास सुरुवात केली. तीन हत्यांबाबत जालंधर (ग्रामीण) चे डीसीपी बलबीर सिंह यांनी सांगितले की, आम्हाला संशय आहे की, कुटुंबीयादरम्यान, संपत्तीबाबत वाद होता. हत्येच्या गुन्ह्यामध्ये वापरण्यात आलेले शस्त्र जप्त करण्यात आले आहे. या प्रकरणाचा तपास सुरू आहे.
याबाबत अधिक माहिती माहिती देताना बलबीर सिंह म्हणाले की, आरोपी मुलग्याने वडिलांच्या परवाना असलेल्या रायफलमधून वडिलांवर गोळीबार केला. ही गोळी त्यांच्या गळ्याला लागली. त्यानंतर त्यांना वाचवण्यास आलेली आई आणि भावावरही गोळ्या झाडल्या. आरोपी तरुण कोठी नावावर करून देण्यसाठी आई वडिलांवर दबाव आणत होता. त्यावरूनच हा वाद झाला होता.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
