ईद-ए-मिलादनिमित्त गुरूवार ऐवजी शुक्रवारी सुट्टी
सांगली, दि. 27, : राज्य शासनाने अधिसूचित केलेल्या सार्वजनिक सुट्ट्यांमध्ये ईद-ए-मिलाद या सणाची सुट्टी गुरूवार, 28 सप्टेंबर 2023 रोजी दर्शविण्यात आली आहे. ईद-ए-मिलाद हा मुस्लिम धर्मियांचा सण मुस्लिम बांधव मोठ्या प्रमाणात साजरा करत असतात. यावेळी जुलूस कार्यक्रमाचे आयोजन करण्यात येते. गुरूवार, 28 सप्टेंबर 2023 रोजी हिंदू धर्मियांचा अनंत चतुर्दशी हा सण आहे. अनंत चतुर्दशीच्या दिवशी राज्यात सर्वत्र सार्वजनिक गणेश मुर्तीची मोठी मिरवणूक काढण्यात येते व नंतर तिचे विसर्जन करण्यात येत असल्याने हिंदू बांधवांची मोठी गर्दी जमा होत असते. यामुळे दोन्ही समाजामध्ये शांतता व सामाजिक सलोखा कायम राखण्याच्या हेतूने राज्य शासनाने ईद-ए-मिलादची सार्वजनिक सुट्टी गुरूवार, 28 सप्टेंबर 2023 ऐवजी शुक्रवार, 29 सप्टेंबर 2023 रोजी जाहीर केली आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
