मुंबई - आग्रा महामार्गावर भीषण अपघात कार- कंटेनरची धडक, भाजप नगरसेवकासह 4 जणांचा मृत्यू
मागच्या काही दिवसांपासून राज्यात रस्ते अपघात चिंतेचा विषय बनत चालत आहे. दिवसेंदिवस राज्यात रस्त्या अपघातांची संख्या वाढत चालली आहे. यातच नाशिक जिल्ह्यातील मुंबई-आग्रा महामार्गावरील चांदवड भागात सोमवारी भीषण अपघात झाला. या अपघातात धुळ्यातील भाजप नगरसेवकासह चार जणांचा दुर्दैवी मृत्यू झाला आहे. हा भीषण अपघात सकाळी 7.30 च्या सुमारास घडला.
मिळालेल्या माहितीनुसार, नामोकार तीर्थ क्षेत्राजवळ कार आणि कंटेनरमध्ये जोरदार धडक झाली. दोन्ही वाहनांची धडक एवढी जोरदार होती की कारचे चक्काचूर झाले. यामध्ये चौघांचा जागीच मृत्यू झाला. धुळे महापालिकेचे भाजप नगरसेवक किरण अहिरराव यांचाही मृतांमध्ये समावेश आहे.
भाजप नेते किरण अहिरराव आणि त्यांचे मित्र नाशिकहून धुळ्याच्या दिशेने जात असल्याचे सांगण्यात येत आहे. सकाळी सातच्या सुमारास ते नमोकार तीर्थक्षेत्रातून जात असताना त्यांची कार एका कंटेनरला धडकली. ही धडक इतकी जोरदार होती की कारचा पुढील भाग पूर्णपणे चक्काचूर झाला. गाडीचा बोनेटपासून मागच्या सीटपर्यंतचा संपूर्ण भाग गाडला गेला.
.jpeg)
धडकेनंतर या कारचे छतही पूर्णपणे तुटले. गाडीची अवस्था पाहून या अपघातातून कोणीही वाचण्याची आशा नसल्याचे स्पष्ट झाले. किरण हरिश्चंद्र अहिरराव, अनिल विष्णू पाटील, कृष्णकांत चिंधा माळी आणि प्रवीण मधुकर पवार अशी मृतांची नावे आहेत.
भाजपचे नगरसेवक किरण अहिरराव यांच्या आकस्मिक निधनाने जिल्ह्यात शोककळा पसरली आहे. या घटनेनंतर पोलीस आणि सोमा टोलवेज कंपनीचे अपघात पथक घटनास्थळी पोहोचले आणि त्यांनी कारमधून मृतदेह बाहेर काढला. अपघातानंतर मुंबई-आग्रा महामार्गावरील वाहतूक काही काळ ठप्प झाली होती.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
