जिल्हा कोषागार अधिकारी पदी रमेश लिधडे रुजू
सांगली दि. १४ :- जिल्हा कोषागार अधिकारी पदी आज रमेश लिधडे रुजू झाले. डॉ. सुहासिनी पाटील यांच्याकडून त्यांनी आज जिल्हा कोषागार अधिकारी पदाचा कार्यभार स्वीकारला.
श्री. लिधडे हे सांगली जिल्ह्यातील वाटेगावचे असून यापूर्वी ते शिवाजी विद्यापीठ कोल्हापूर येथे उपसचिव पदावर कार्यरत होते. सांगलीच्या ग्रामीण भागातील असलेल्या अधिकाऱ्यास स्वतःच्या जिल्ह्यात काम करण्याची संधी मिळाली आहे. यापूर्वी त्यांनी कोषागार अधिकारी कोल्हापूर, सहाय्यक संचालक स्थानिक निधी, सांगली, कोषागार कार्यालय रत्नागिरी, औरंगाबाद येथे काम केले आहे. महाराष्ट्र वित्त व लेखा सेवेत येण्यापूर्वी त्यांनी काही काळ विलिंग्डन महाविद्यालय येथे सहाय्यक प्राध्यापक म्हणून काम केले आहे. सद्या ते यशवंतराव चव्हाण प्रशासकीय प्रशिक्षण प्रबोधिनी, पुणे व कुंडल वन प्रबोधिनी कुंडल येथे अधिकाऱ्यांना प्रशिक्षण देण्यासाठी व्हीजीटरींग प्राध्यापक म्हणून काम पाहतात.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
