शाहरूखने दिल्लीतून अशी फिरवली सूत्रे अन् वानखेडे ' असे' अडकले; धक्कादायक गौप्यस्फोट आला समोर
आर्यन खान खटल्यातील प्रमुख साक्षीदार सॅनविल उर्फ सॅम डिसोझा याने (26 मे) मुंबई उच्च न्यायालयात दाखल केलेल्या याचिकेत अनेक खळबळजनक खुलासे केले आहेत. सॅमने दावा केला आहे की सुपरस्टार शाहरुख खान 7 नोव्हेंबर 2021 रोजी दिल्लीला गेला आणि एनसीबीच्या विशेष चौकशी पथकाची भेट घेतली.
त्यानंतरच समीर वानखेडेला या प्रकरणात गोवण्याचा डाव सुरू झाला. आपला मित्र विजय प्रताप सिंग या भेटीचा साक्षीदार असल्याचा दावा सॅमने केला आहे. यानंतर शाहरुख खानकडून 25 कोटींची लाच मागितल्याप्रकरणी समीर वानखेडेला गोवण्याचा कट रचण्यात आल्याचा दावा सॅम डिसूझा यांनी केला आहे.
केपी गोसावी आणि समीर वानखेडे यांच्या सांगण्यावरून आर्यन खानची सुटका करण्यासाठी लाच मागितल्याच्या प्रकरणात आपला सहभाग असल्याचे सांगून आपले विधान बदलण्यासाठी त्याच्यावर दबाव आणण्यात आल्याचा सॅमचा दावा आहे. तरी त्याने दबावाखाली येण्यास नकार दिला. समीर वानखेडेची चौकशी करणारे एनसीबीचे तत्कालीन उपसंचालक ज्ञानेश्वर सिंह यांच्यावर सॅम डिसोझा यांनी आणखी एक खळबळजनक आरोप केला आहे.आर्यन प्रकरणातून आपले नाव वगळण्यासाठी 15 लाख रुपयांची लाच मागितल्याचे सॅम डिसूझा यांनी म्हटले आहे. सॅमचा दावा आहे की त्याने हवालाद्वारे ज्ञानेश्वर सिंह यांना 9 लाख रुपये दिले होते. सॅम डिसूझा ही अशी व्यक्ती आहे ज्याने 1 ऑक्टोबर 2021 रोजी एनसीबी अधिकार्‍यांना माहिती दिली की मुंबईहून गोव्याला जाणाऱ्या कॉर्डेलिया क्रूझमध्ये ड्रग्ज पार्टी होणार आहे, ज्यामध्ये अनेक प्रतिष्ठित लोक सहभागी झाले होते.एनसीबीच्या अधिकाऱ्यांनी सॅमला सांगितले की त्यांच्याकडेही काही इनपुट आहेत, तो काही विशिष्ट माहिती शेअर करू शकतो का? त्यानंतर सॅम डिसूझा यांनी क्रूझच्या उपक्रमांशी संबंधित काही छायाचित्रे पाठवली होती. त्यानंतर 2 ऑक्टोबर रोजी एनसीबी मुंबईचे तत्कालीन झोनल डायरेक्टर समीर वानखेडे यांच्या पथकाने कॉर्डेलिया क्रूझवर छापा टाकून आर्यन खानसह 20 जणांना ड्रग्ज प्रकरणात अटक केली होती.
तूर्तास, मुंबई उच्च न्यायालयाने सॅम डिसोझा यांना या प्रकरणाचा निकाल लागेपर्यंत अटक किंवा इतर कोणत्याही सक्तीच्या कारवाईपासून अंतरिम संरक्षण देण्यास नकार दिला आहे. डिसोझा यांनी आपल्यावरील खटला रद्द करण्याची मागणी करणारी याचिका दाखल केली होती. पण न्याय अभय आहुजा आणि एमएस साठे यांच्या सुटी खंडपीठाने डिसोझा यांना कोणताही दिलासा देण्यास नकार दिला.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
