नरहरी झिरवळ पवारांच्या भेटीला; राजकीय घडामोडींना वेग
राष्ट्रवादीचे अध्यक्ष शरद पवार यांनी राष्ट्रवादीच्या नेत्यांची मुंबईत बैठक बोलवली आहे. 17 मे रोजी सकाळी ११ वाजता मुंबईतील राष्ट्रवादी कार्यालयात ही बैठक घेण्यात येणार आहे. अशात एक महत्त्वाची माहिती समोर आली आहे. विधानसभा उपाध्यक्ष नरहरी झिरवळ यांनी शरद पवार यांची भेट घेतल्याची माहिती आहे. झिरवळ यांनी वाय.बी. चव्हाण सेंटरमध्ये आज सकाळी शरद पवार यांची भेट घेतली. यावेळी दोघांमध्ये नेमकी काय चर्चा झाली. याबाबत अद्याप कोणतीही माहिती समोर आली नाही.
तर दुसरीकडे सर्वोच्च न्यायालयाच्या निर्णय़ानंतर आज ठाकरे गटाकडून झिरवळ यांना ७९ पानांचे निवेदन सादर केले आहे. यात न्यायालयाच्या निर्णय़ानुसार १६ आमदारांच्या अपात्रतेचा लवकरात लवकर निर्णय घ्यावा अशी मागणी ठाकरे गटाचे प्रतोद सुनील प्रभु यांनी या निवेदनात केली आहेसर्वोच्च न्यायालयाच्या निर्णयानंतर राज्यातील घडामोडींना वेग आला आहे. महाविकास आघाडीतही हालचाली वाढल्या आहेत. आमदारांच्या अपात्रेवर विधानसभा अध्यक्षांनी लवकरात लवकर निर्णय घ्यावा अशी मागणी ठाकरे गटाकडून करण्यात येत आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
