सोने असलेल्या दगडाचा शोध
मेटल डिटेक्टरच्या सहाय्याने जमिनीत गाडलेला खजिना शोधणारे अनेक लोक असतात. मात्र, अशा उपकरणाच्या सहाय्याने सोन्याचे खनिजही सापडेल याचा कुणी अंदाज केला नसेल आता अशी घटना ऑस्ट्रेलियात घडली आहे. एक व्यक्ती हातात मेटल डिटेक्टर घेऊन चालत होता. तितक्यात त्याला एक दगड हाती लागला. मेटल डिटेक्टरने सिग्नल दिल्याने व्यक्तीने दगड उचलला आणि तो घरी आणला. या दगडात तब्बल दीड किलो सोने होते!
ऑस्ट्रेलियाच्या व्हिक्टोरियामध्ये ही घटना घडली. द गार्डियनने याबद्दलचे वृत्त दिले आहे. मात्र, सोन्याचा दगड हाती लागलेल्या व्यक्तीचे नाव वृत्तात देण्यात आलेले नाही. संबंधित व्यक्ती सहजच घराबाहेर पडली. पाय मोकळे करण्यासाठी निघालेल्या व्यक्तीने मेटल डिटेक्टरसोबत घेतले होते. फिरताना एका ठिकाणी मेटल डिटेक्टरने बीप बीप आवाज केला. हा आवाज नेमका कुठून येतोय यासाठी त्याने शोधाशोध केली. तेव्हा त्याला सोने सापडले. व्यक्तीच्या हाती लागलेल्या दगडाचे वजन करण्यात आले असता ते साडे चार किलो इतके भरले. या दगडात दीड किलो सोने होते.
व्यक्तीला सापडलेल्या सोन्याची किंमत जवळपास 1 कोटी 31 लाख रुपये आहे. व्हिक्टोरिया परिसरात व्यक्तीला दगड सापडला. हा परिसर 1800 सालापासूनच सोन्याच्या खाणीसाठी प्रसिद्ध आहे. साडेचार किलोच्या दगडातून संबंधित व्यक्तीला सोने सापडले. हा सोन्याचा दगड हॅरेन कॅम्प यांनी खरेदी केला. गेल्या 43 वर्षांत अशा प्रकारची वस्तू पाहिली नसून हा दगड अद्भूत असल्याचे कॅम्प म्हणाले
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
