मुंबई-गोवा महामार्गावर शिवशाही बस उलटली
मुंबई-गोवा महामार्गावर शिवशाही बस उलटून झालेल्या अपघातात एक ठार तर 25 जण जखमी झाले आहेत. चालकाचे बसवरील नियंत्रण सुटल्याने हा अपघात झाला. या प्रकरणी बसचालकावर बेदरकारपणे गाडी चालवल्यावरून गुन्हा दाखल झाला आहे.
पोलिसांनी दिलेल्या माहितीनुसार, मुंबई-गोवा महामार्गावर पनवेल येथील कर्नाळ्याजवळ मंगळवारी मंगळवारी दुपारी 3.50 च्या सुमारास हा अपघात झाला. या बसमध्ये एकूण 38 प्रवासी होते. अपघातात 25 जण जखमी झाले. सर्व जखमींना पनवेलच्या जिल्हा रूग्णालयात, एमजीएम रूग्णालयात दाखल करण्यात आले. दरम्यान, एका प्रवाशाचा मृत्यू झाला आहे. दिप्तेश मोरेश्वर टेमकर (31) असे त्याचे नाव आहे.
ही शिवशाही बस पनवेल आगारातून महाडच्या दिशेने जात असताना हा अपघात झाला. बस उतारावरून जात असताना चालकाने वेग कमी केला नाही. त्यामुळे त्याचे वाहनावरील नियंत्रण सुटले. बस दुभाजकावर जाऊन आदळली आणि त्यानंतर रस्त्याच्या कडेला जाऊन उलटली.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
