पिस्तुलासह दहशत माजवणारा जेरबंद
विटा : विटा ते मायणी रस्त्यावर पवई टेक येथे दहशत माजवणाऱ्या फर्नांडीस उर्फ अनिकेत नामदेव माने (वय 21, रा. शिवाजीनगर विटा ता. खानापुर) याला विटा पोलिसांनी अटक करुन गावठी कट्टा (पिस्तुल) जप्त करण्यात आला.
अधिक माहिती अशी, पोलीस अधिक्षक डॉ. बसवराज तेली, अप्पर पोलीस अधिक्षक श्रीमती आंचल दलाल, उपविभागीय पोलीस अधीकारी पद्मा कदम यांच्या सुचनेनुसार पोलिस निरीक्षक संतोष डोके यांनी सणाच्या पार्श्वभूमीवर गुन्हे प्रकटीकरण शाखेला गुन्हेगारांच्या हालचालीवर लक्ष ठेवण्यास सांगितले होते. शहरात पेट्रोलिंग करत असताना मायणी जाणारे रस्त्यावर पवई टेक येथे फर्नांडीस उर्फ अनिकेत नामदेव माने हा हॉटेल वाडा समोर रस्त्यावर त्याचे कमरेला गावठी कट्टा (पिस्तुल) मिळाली.
गुन्हे प्रकटीकरण पथकाने परिसरात शोध घेतला असता पवई टेक विटा येथे वाडा हॉटेलच्या समोर फर्नांडीस हा उभा असल्याचे दिसला. त्याला ताब्यात घेवुन अंगझडती घेतली असता देशी बनावटीचा गावठी कट्टा (पिस्तुल) व दोन जिवंत काडतुसे मिळून आली. विटा पोलीस ठाण्यात त्याच्यावर गुन्हा नोंद करण्यात आला. उपनिरीक्षक सागर गायकवाड तपास करत आहेत.
उपाधीक्षक पद्मा कदम, निरीक्षक संतोष डोके, उपनिरीक्षक सागर गायकवाड, अंमलदार हणमंत लोहार, राजेद्र भिंगारदेवे, अमरसिंह सूर्यवंशी, महेश देशमुख, सागर निकम, अक्षय जगदाळे, सुरेश भोसले, शशिकांत माळी, रोहीत पाटील यांच्या पथकाने ही कारवाई केली.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
