सभा कार्यालयात भ. महावीर जयंती आणि सभेचा 124 वा वर्धापन दिन साजरा
दि.3 एप्रिल रोजी भ. महावीर 2622 व्या जन्मकल्याणक दिनी दक्षिण भारत जैन सभा तसेच तिची पहिली शाखा जैन महिला परिषदेचाही 124 वा वर्धापन दिन सोहळा सभेच्या कार्यालयामध्ये संपन्न झाला. दक्षिण भारत जैन सभेचे केंद्रीय उपाध्यक्ष श्री. भालचंद्र पाटील व चेअरमन श्री. रावसाहेब पाटील यांच्या हस्ते चोविसावे तीर्थंकर भ. महावीर आणि सभेचे अध्वर्यु दिवाणबहाद्दूर आण्णासाहेब लठ्ठे यांच्या प्रतिमेसमोर दीपप्रज्वलन करून पुष्प अर्पण करण्यात आले. चेअरमन श्री. रावसाहेब जि.पाटील, मुख्यमहामंत्री डॉ. अजित पाटील यांनी भ. महावीर महावीर जयंतीनिमित्त आणि सभेच्या 124 व्या वर्धापनदिनानिमित्त मनोगत व्यक्त करून शुभेच्छा दिल्या.
सभेचा वर्धापन दिन यावेळी भ. महावीर जयंतीदिनी आल्याने येत्या रविवारी, दि.9 एप्रिल रोजी जैन महिला परिषदेच्यावतीने सांगली येथे साजरी होत असल्याचे सांगून. यावेळी सभेचे अध्यक्ष श्रावकरत्न श्री. रावसाहेब आ. पाटील (दादा) यांच्या अध्यक्षतेखाली संपन्न होणार्‍या या कार्यक्रमात सोलापूरच्या उद्योजिका सौ.माधुरी पाटील यांच्याहस्ते महिला परिषदेच्या जय जिनेंद्र या सभागृहाचे उद्घाटन होणार असल्याचे सांगितले. यावेळी विभागीय ट्रस्टी शांतिनाथ नंदगावे, महिला महामंत्री कमल मिणचे, कर्मवीर आरोग्य अभियानाचे चेअरमन डॉ. देवपाल बरगाले, बोर्डिंगचे संदिप हिंगणे, अनिल हवाणे, सीईओ योगेश खोत, सुरेश फराटे, अभय कर्नाळे आदि मंडळी उपस्थित होते.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
