फरार खलिस्तानी समर्थक अमृतपाल सिंग महाराष्ट्रात?
यामुळे आता महाराष्ट्रातील सुरक्षा व्यवस्था सतर्क झाल्या आहेत. मागील अनेक दिवसांपासून अमृतपालचा शोधघेण्याचा प्रयत्न पंजाब पोलीस करत आहेत. गुप्तचर यंत्रणांच्या सूत्रांकडून समजत आहे की, आतंकी हरविंदर रिंदा याच्यासोबत अमृतपालसोबत संबंध आढळून आल्याचा दावा केला जात आहे. पंजाब राज्यापासून ते महाराष्ट्रापर्यंत रिंदा नेटवर्क असल्याचे बोलले जाते. आतंकी कारवायांसाठीच रिंदासोबत अमृतपालचं कनेक्शन जुळून आल्याचे सांगण्यात येत आहे.
खलिस्तानची मागणी करणारा पंजाबचा कट्टरपंथी अमृतपाल महाराष्ट्रातील ड्रग्स पेडलर्सच्या आश्रयाला आल्याची माहिती आहे. 'अमर उजाला'ने याबाबतचे वृत्त सूत्रांच्या हवल्याने दिले आहे. अमृतपालचे संबंध, त्याचं नेटवर्क आणि इतर माध्यमांमधून गुप्तचर यंत्रणांना लिंक मिळत आहेत. सूत्रांच्या प्राप्त माहितीनुसार, आयएसआय नेटवर्कची मदत घेऊन अमृतपाल महाराष्ट्र राज्याच्या सीमारेषेपर्यंत पोहोचला. पाकिस्तान देशाच्या इशाऱ्यावर भारतात अमली पदार्थांचा व्यवसाय करणाऱ्या काही लोकांच्या आश्रयात अमृतपाल असल्याची माहिती आहे.
गुप्तचर यंत्रणा सद्या महाराष्ट्र राज्यातील नांदेड ते मुंबई या भागात शोध आणि तपास करत आहे. पाकिस्तानमधून अमली पदार्थांच्या सूत्र हाकणाऱ्या आणि अमली पदार्थांचा देशात पुरवठा करणाऱ्या हरिवंदर सिंह रिंदा याची अमृतपालला साहाय्य होत असल्याची माहिती समोर येत आहे. मात्र या माहितील अधिकृत दुजोरा मिळालेला नाही. मात्र अमृतपाल सिंग महाराष्ट्रात गेल्याची माहिती गुप्तचर यंत्रणांची आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
