जोडप्यानं चोरल्या 14 कोटी रुपयांच्या 45 वाईन बॉटल्स...
एका जोडप्याने हॉटेलमधून 14 कोटी किंमतीच्यावाईनच्या बॉटल्स चोरल्या. या गुन्ह्यासाठी त्यांना तुरुंगवासाची शिक्षा सुनावली आहे. विशेष म्हणजे हे कपल वाईन बॉटल चोरण्यासाठी पूर्ण योजना कररून हॉटेलमध्ये गेले. मिशेलिन-स्टार रेस्टॉरंटमध्ये जाऊन त्यांनी 14 कोर्स मिल ऑर्डर केलं आणि यावेळी ठरल्याप्रमाणे हॉटेल स्टाफच्या नाकाखालून प्रत्येकी 3 कोटी किंमतीच्या म्हणजेत सुमारे 14 कोटी किंमतीच्या वाईन बॉटल चोरी केल्या.
14 कोटी रुपयांच्या 45 वाईनच्या बाटल्या चोरी
अनेक जण दारुचे शौकीन असतात, त्यातल्या त्यात काही जणांना वाईन फार आवडते. वाईन जितकी जुनी होते, तेवढी वाईनची किंमत वाढते. ज्यांना वाईन परवडते. तर काही जण यासाठी चोरी करण्यासही मागे पुढे पाहत नाहीत. स्पेनमधील एका जोडप्याने हेच केलं. या जोडप्याने सुमारे 14 कोटी रुपयांच्या महागड्या वाईन बॉटल चोरल्या. याप्रकरणी त्यांना आता शिक्षा सुनावण्यात आली आहे.
मिशेलिन-स्टार रेस्टॉरंटमधून वाईनच्या बाटल्या केल्या लंपास
स्पेनमधील ही घटना आहे. स्पेनमधील न्यायालयाने सोमवारी (6 मार्च) या जोडप्याला रेस्टॉरंटमधील सुमारे 13 कोटी 91 लाख 50 हजार 865 रुपये (1.7 मिलियन डॉलर) किमतीची वाईन चोरल्याप्रकरणी आरोपी ठरवत शिक्षा सुनावली आहे. ही वाईन चोरीची घटना 2021 रोजी समोर आली होती.
चोरीमुळे हॉटेलचं मोठं नुकसान
मीडिया रिपोर्टनुसार, स्पेनमधील कॅसेरेस शहरातील एट्रिओ नावाचे प्रसिद्ध मिशेलिन स्टार हॉटेल आहे. हॉटेल आपल्या खाद्यपदार्थ आणि सेवांप्रमाणेच महागड्या वाइन कलेक्शनसाठी प्रसिद्ध आहे. या हॉटेलमधून सुमारे 45 दारूच्या बाटल्या चोरीला गेल्या होत्या. वाईनच्या काही बाटल्या 19व्या शतकातील होत्या. वाईनच्या बाटली खूप महाग होत्या, त्यामुळे या वाईनच्या बॉटल चोरीला गेल्या हॉटेलचं मोठं नुकसान झालं होतं.
ब्युटी क्विन महिलेसोबत मिळून बॉयफ्रेंडने केली चोरी
मीडिया रिपोर्टनुसार, या चोरीच्या गुन्ह्यातील आरोपी महिला ब्युटी पेजंट विजेती आहे. ही महिला बनावट पासपोर्टवर स्पेनमधील हॉटेलमध्ये गेली होती. महिलेने हॉटेल बूक करून बनावट पासपोर्टवर तेथे पोहोचली. त्यानंतर तिने रात्री दोन वाजता रिसेप्शनवर कॉल करून हॉटेल स्टाफला सॅलड बनवण्याची ऑर्डर दिली. आधी कर्मचाऱ्याने नकार दिला. पण महिलेच्या जिद्दीमुळे त्याने सॅलडची ऑर्डर घेतली. त्यानंतर कर्मचारी किचनमध्ये सॅलड तयार करत असताना या महिलेच्या बॉयफ्रेंडने वाईन ठेवलेल्या रुमची चावी रिसेप्शनवरून चोरली आणि वाईनच्या 45 बॉटल चोरल्या आणि पसार झाले.
4 वर्षे तुरुंगवास आणि दंड
मीडिया रिपोर्ट्सनुसार, कॅसेरेस येथील न्यायालयाने आरोपी जोडप्याला हॉटेलमध्ये घुसखोरी आणि चोरी प्रकरणात दोषी ठरवत शिक्षा सुनावली आहे. न्यायालयाने महिलेला चार वर्षे तर पुरुषाला साडेचार वर्षांची तुरुंगवासाची शिक्षा सुनावली. या जोडप्याला जुलै 2022 मध्ये क्रोएशियामध्ये अटक करण्यात आली होती. एवढंच नाही तर न्यायालयाने या दाम्पत्याला या हॉटेलला 6 कोटी 59 लाख 6 हजार 916 रुपये (753,454 युरो) दंडही ठोठावला आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
