"उपमुख्यमंत्र्यांच्या बंगल्यात आज रिल व्हिडिओ." ; अमृता फडणवीस यांची 'ती' क्लिप वादात

"उपमुख्यमंत्र्यांच्या बंगल्यात आज रिल व्हिडिओ." ; अमृता फडणवीस यांची 'ती' क्लिप वादात

मुंबई: राज्याचे उपमुख्यमंत्री देवेंद्र फडणवीस यांच्या पत्नी अमृता फडणवीस नेहमी वेगवेगळ्या कारणांमुळे चर्चेत असतात. सध्या त्या त्यांच्या ‘मैने मूड बना लिया’ या गाण्यामुळे चर्चेत आहे. त्यांचं हे गाणं सोशल मीडियावर धुमाकूळ घालत आहे. त्यांच्या या गाण्यावर नेटकरी वेगवेगळ्या प्रकारच्या कमेंट्स करत आहेत. अशा परिस्थितीत काल अमृता फडणवीस यांनी सोशल मीडिया स्टार रियाज अली सोबत ‘मैने मूड बना लिया’ गाण्यावर डान्स केला आहे. त्यांच्या या डान्सनंतर एक नवा वाद सुरू होण्याची शक्यता निर्माण झाली आहे.

अमृता फडणवीस यांची ही क्लिप रियाजसोबत आहे म्हणून नाही, तर ही क्लिप सरकारी बंगल्यात शूट केल्यामुळे चर्चेत आली आहे. राष्ट्रवादी प्रवक्त्या हेमा पिंगळे यांनी अमृता फडणवीस यांच्या व्हिडिओवर प्रतिक्रिया देत हल्लाबोल केला आहे. त्याचबरोबर नेटकरी देखील यावरून अमृता फडणवीस यांच्या व्हिडिओवर कमेंट करत आहे.राष्ट्रवादी प्रवक्त्या हेमा पिंगळे प्रतिक्रिया देताना म्हणाल्या, “गानकोकिळा आणि नृत्यांगना अमृता फडणवीस संविधानिक पदावरील व्यक्तींना देण्यात येणाऱ्या सुरक्षेच्या गैरवापर करत आहे. 

अमृता फडणवीस यांनी शेअर केलेल्या व्हिडिओ सरकारी बंगल्यात बनवला आहे. हे रील बनवताना त्यांनी सरकारची परवानगी घेतली होती का?” अमृता फडणवीस यांनी सरकारी बंगल्यात रिल व्हिडिओ शूट केल्यानंतर नवीन वाद निर्माण होण्याची शक्यता निर्माण झाली आहे. अमृता फडणवीस यांचा नुकतंच रिलीज झालेलं ‘आज मैं मूड बना लिया’ गाणं एक पार्टी सॉंग आहे. या गाण्यामध्ये प्रेक्षकांना अमृता फडणवीस यांचा हटके अंदाज बघायला मिळाला आहे. या गाण्यामध्ये त्यांनी डान्स देखील केला आहे.

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.