शेंदूर फासलेल्या दगडांखाली मृतदेह..
फुलंब्री तालुक्यातील धानोरा येथील काकासाहेब भुईगड शेळके यांच्या घरात भाड्याने रहात होता. तो पत्नी आणि दोन मुलींसह या घरात राहत होते. नवरात्रीत भुईगड आपल्या गावी जाणार असल्याचं सांगून गेले. लवकरच भाडं देऊन असं सांगून गेले. पण नंतर त्यांचा फोन बंद येत असल्यानं शेळके एक दिवस घरी धडकले. त्यावेळी कुलूप पाहून शेळके यांना शंका आली. त्यांना 3 महिन्यांपासून घर बंद असल्याचं कळलं.
जेव्हा घराचं कुलूप फोडून त्यांनी आत पाहिलं तेव्हा ते हादरले. घरातील साहित्य गायब होतं. स्वयंपाक घरातील ओट्याखाली खोदकाम करण्यात आलं होतं. सिमेंट वाळूने ते बंद करण्यात आलं होतं. तसंच त्यावर शेंदूर फासलेले दोन दगड, लिंबू आढळून आले होते. तेथे खोदकाम केल्यावर एक कुजलेला मृतदेह चादरीत गुंडाळून ठेवल्याचं आढळून आलं. भाडेकरु भुईगड यांचा शोध आता पोलिसांकडून घेतला जात आहे. हा मृतदेह महिलेचा आहे की पुरुषाचा याचंही गूढ कायम असून नेमका हा सगळा प्रकार आहे तरी काय, हे शोधून काढण्याचं आव्हान पोलिसांसमोर आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
