मतदान ओळखपत्राला आधार जोडणी मोहिमेत शंभर टक्के कामकाज पूर्ण करणाऱ्या इस्लामपूर मतदारसंघातील बीएलओंचा जिल्हाधिकारी डॉ. राजा दयानिधी यांच्याहस्ते सत्कार

मतदान ओळखपत्राला आधार जोडणी मोहिमेत शंभर टक्के कामकाज पूर्ण करणाऱ्या इस्लामपूर मतदारसंघातील बीएलओंचा जिल्हाधिकारी डॉ. राजा दयानिधी यांच्याहस्ते सत्कार

सांगली दि. 8 : मतदान ओळखपत्राला आधार जोडणी मोहिमेत 283-इस्लामपूर मतदार संघातील 100 टक्के कामकाज पूर्ण करणाऱ्या मतदान केंद्रस्तरीय अधिकारी (बीएलओ) यांचा जिल्हाधिकारी डॉ. राजा दयानिधी यांच्याहस्ते सत्कार करण्यात आला.  इस्लामपूर मतदार संघात आधार जोडणी मोहिमेत 100 टक्के कामकाज पूर्ण करणाऱ्या यादीभाग 254 मधील काशिनाथ हाके, कोतवाल कोरेगाव, यादीभाग 198 मधील रमेश रसाळ, कोतवाल, कारंदवाडी, यादीभाग 27 मधील सुमन चव्हाण, आशा सेविका, गौडवाडी या मतदान केंद्रस्तरीय अधिकाऱ्यांचा जिल्हाधिकारी डॉ. राजा दयानिधी यांच्याहस्ते प्रशस्तीपत्रक व पुष्पगुच्छ देवून सत्कार करण्यात आला. 

यावेळी उपजिल्हा निवडणूक अधिकारी मारूती बोरकर, सहायक मतदार नोंदणी अधिकारी प्रदीप उबाळे, निवडणूक शाखेतील महसूल सहायक व डेटा एन्ट्री ऑपरेटर उपस्थित होते.  या प्रसंगी जिल्हाधिकारी डॉ. राजा दयानिधी यांनी मतदार संघातील उर्वरीत मतदान केंद्रस्तरीय अधिकारी यांना 100 टक्के कामकाज पूर्ण करण्याबाबत मार्गदर्शन करून शुभेच्छा दिल्या.

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.