पंतप्रधान नरेंद्र मोदी यांच्या बाबतीत आंदोलनात शिवराळ भाषा वापरल्याबद्दल गुन्हे दाखल करावेत
काॅग्रेस जिल्हाअध्यक्ष पुथ्वीराज पाटील व इतर प्रमुख नेते पदाधिकारी कार्यकर्ते यांचेवर पंतप्रधान नरेंद्र मोदी यांच्या बाबतीत आंदोलनात शिवराळ भाषा वापरल्याबद्दल गुन्हे दाखल करावेत- संघटन सरचिटणीस दीपक माने. सांगलीमध्ये काल काँग्रेस पक्षाच्यावतीने खाद्यपदार्थांच्या वर जीएसटी टॅक्स लागू केला आहे म्हणून काँग्रेस जिल्हा अध्यक्ष पृथ्वीराज पाटील व इतर प्रमुख नेत्यांच्या नेतृत्वाखाली काँग्रेस पदाधिकारी व कार्यकर्ते यांनी मोदी सरकारच्या निषेधार्थ झांसी चौक सांगली येथे आंदोलन केले .
त्या आंदोलनामध्ये पंतप्रधान नरेंद्रजी मोदी यांच्या बाबतीत अत्यंत खालच्या दर्जाची व शिवराळ भाषा वापरली या विरोधात आज भारतीय जनता पार्टीच्या वतीने संघटक सरचिटणीस दीपक माने यांनी सांगली शहर पोलीस ठाणे या ठिकाणी पंतप्रधान नरेंद्र मोदी यांच्यावर शिवराळ भाषा वापरली व यामुळे भाजप पदाधिकारी कार्यकर्ते व भारतातील नागरिकांच्या भावना दुखावल्याबद्दल काँग्रेस जिल्हा अध्यक्ष पृथ्वीराज पाटील व इतर नेते पदाधिकारी कार्यकर्त्यांच्या वर गुन्हे दाखल करण्यासाठी फिर्याद दिली. यावेळी भाजप पदाधिकारी व कार्यकर्ते मोठ्या संख्येने उपस्थित होते.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
