मिरज शहरात आंबेडकर उद्यान ते परमशेट्टी हॉस्पीटल रोडवर जड वाहनांना 15 फेब्रुवारी पर्यंत प्रवेश बंद
सांगली, दि. 2, : मिरज शहरातील वाहतुकीची कोंडी, नागरिकांची रस्ता सुरक्षा प्रस्थापित होण्यासाठी दुचाकी व चारचाकी वाहनांची होणारी गर्दी तसेच होणारे अपघात टाळण्यासाठी आंबेडकर उद्यान ते परमशेट्टी हॉस्पीटल रोडवर दि. 15 फेब्रुवारी 2022 पर्यंत जड वाहनास प्रवेश बंदबाबतचा जाहीरनामा पोलीस अधीक्षक दिक्षीत गेडाम यांनी प्रायोगीक तत्वावर प्रसिध्द केला आहे.
या जाहिरनाम्यानुसार आंबेडकर उद्यान ते परमशेट्टी हॉस्पीटल रोडवर दि. 15 फेब्रुवारी 2022 पर्यंत जड वाहनांसाठी प्रवेश बंद केला असून या रोडवर जड वाहनांस पार्किंग करण्यास व माल उतरविण्यास - चढविण्यास मनाई केली आहे. नागरिक, रहिवाशी, मोटार वाहन चालकांनी व जनतेने बदल केलेल्या वाहतूक नियोजनास सहकार्य करावे. तसेच हरकती, सुचना सहायक पोलीस निरीक्षक वाहतुक नियंत्रण शाखा मिरज किंवा पोलीस अधीक्षक कार्यालय, विश्रामबाग, सांगली यांच्याकडे लेखी स्वरूपात पाठवाव्यात जेणेकरून प्राप्त सुचनांचे अवलोकन केल्यानंतर वाहतूक नियोजनात योग्य ते बदल करण्यात येतील, असे पोलीस अधीक्षक दिक्षीत गेडाम यांनी स्पष्ट केले आहे.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
